ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယနေ့ နိုဝင်ဘာလ(၁၂)ရက် နေ့လည်ပိုင်းအချိန်က နောင်ချိုမြို့ရှိ မြို့မစျေးနေရာတွင် စစ်ကောင်စီမှ ပေါင်(၅၀၀)ဗုံးလာရောက်ကြဲချမှုကြောင့် အရပ်သား ပြည်သူ(၁၁)ဦးသေဆုံးပြီး (၁၁)ဦး ဒဏ်ရာရရှိခဲ့ကြောင်း TNLA ထံမှသိရသည်။
ဗုံးကြဲတိုက်ခိုက်မှုကြောင့် အရပ်သားပြည်သူအများအပြား သေဆုံး ထိခိုက်ဒဏ်ရာရရှိခဲ့ပြီး နေအိမ်(၄)လုံး အပါအဝင် ခရီးသည်တင်ကားများလည်း မီးလောင်ပျက်စီးသွားခဲ့ကြောင်း သိရသည်။
အလားတူ ယမန်နေ့ နိုဝင်ဘာလ(၁၁)ရက်နေ့ ညသန်းခေါင်ယံအချိန်လည်း မိုးကုတ်မြို့တွင် စစ်ကောင်စီမှ ဂျက်ဖိုက်တာဖြင့် ဗုံး(၅)လုံး လာရောက်ကြဲချတိုက်ခိုက်မှုကြောင့် အရပ်သားပြည်သူ(၉)ဦး သေဆုံးပြီး(၁၃)ဦး ထိခိုက်ဒဏ်ရာရရှိခဲ့ကာ စစ်ကောင်စီမှ လေကြောင်းဖြင့်ဗုံးကြဲတိုက်ခိုက်မှုကြောင့် တစ်ရက်အတွင်း အရပ်သားပြည်သူ(၂၀)ဦး သေဆုံးခဲ့ရပြီး (၂၄)ဦး ထိခိုက်ဒဏ်ရာရရှိခဲ့ပါသည်။
ပြည်သူများအနေဖြင့် စစ်ကောင်စီတပ်၏ လေ ကြောင်း တိုက်ခိုက်မှုများ ရှောင်ရှားနိုင်ရန် စစ်ရေး သတိရှိရန်လိုအပ်ကြောင်း၊ လူစုလူဝေးမပြုလုပ်ကြရန်နှင့် လေကြောင်းရန် ကာကွယ်မှုဆိုင်ရာ အသိပေးထုတ်ပြန်ချက်များ လိုက်နာဆောင်ရွက်ရန်လိုအပ်ကြောင်း TNLA မှ အသိပေးထားကြောင်း သတင်းရရှိသည်။
