ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယနေ့ မတ်လ ၂၄ ရက် နံနက်ပိုင်းတွင် နေပြည်တော်မှာ ကျင်းပနေတဲ့ စစ်ကောင်စီရဲ့ ငြိမ်းချမ်းရေး စကားဝိုင်း Peace Talk 2025 မှာ NCA လက်မှတ်ရေးထိုးထားတဲ့ RCSS အဖွဲ့အနေနဲ့ ၎င်းရဲ့ ကိုယ်စားလှယ်များ စေလွှတ်တက်ရောက်ခြင်းမရှိဘူးလို့ စုံစမ်းသိရပါတယ်။
အမျိုးသားစည်းလုံးညီညွတ်ရေး နှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) မှ ဒုတိယဗိုလ်ချုပ်ကြီး ရာပြည့် ဦးဆောင်ပြီး နိုင်ငံရေးနှင့် လုံခြုံ ရေးကဏ္ဍ၊ စီးပွားရေးနှင့် ဖွံ့ဖြိုးတိုးတက်ရေးကဏ္ဍဆိုပြီး ၂ ဖွဲ့ခွဲ ပြုလုပ်တဲ့ ငြိမ်းချမ်းရေးအမည်ခံ စကားဝိုင်းသည် NCA လက်မှတ်ရေးထိုးထားတဲ့ အဖွဲ့ ၇ ဖွဲ့အား ဖိတ်ကြားထားပေမယ့် RCSS အနေနဲ့ ကိုယ်စားလှယ် စေလွှတ်တာမရှိဘူးလို့ RCSS နဲ့ နီးစပ်တဲ့ အသိုင်းအဝိုင်းမှ သိရပါတယ်။
ငြိမ်းချမ်းရေးလုပ်ငန်းစဉ်အပေါ် ကဏ္ဍအသီးသီးမှ ထင် ပေါ်ကျော်ကြားသူများ ပိုမိုအာရုံစိုက် ပါဝင်လုပ်ဆောင် လာနိုင်စေရန်နဲ့ နိုင်ငံအတွင်း ပဋိပက္ခများ အမြန်ဆုံးလျှော့ချပြီး နိုင်ငံရေး၊ စီးပွားရေးများ ပိုမိုကောင်းမွန် တိုးတက်လာနိုင်စေမည့် ရေတို-ရေရှည်လုပ်ငန်းစဉ်များ ဖော်ထုတ်နိုင်ရန် ရည်ရွယ်ပြီး ငြိမ်းချမ်းရေး စကားဝိုင်းကျင်းပတယ်လို့ စစ်ကောင်စီရဲ့ အာဘော်သတင်းဌာနက ဖော်ပြထားပါတယ်။
ငြိမ်းချမ်းရေးစကားဝိုင်းကို မတ်လ ၂၄ ရက်မှ ၂၆ ရက်နေ့အထိ နေပြည်တော်ရှိ အမျိုးသား စည်းလုံးညီ ညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုဌာနမှာ ကျင်းပသွားမှာဖြစ်တယ်လို့ သိရပါတယ်။
