ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယနေ့ နိုဝင်ဘာလ(၂၃)ရက် နေ့လည်(၁၂း၂၀) နာရီခန့် အချိန်တွင် သျှမ်းပြည်နယ်မြောက်ပိုင်း နမ့်လန်မြို့ရှိ ကောင်းလန်း ရပ်ကွက်အတွင်းသို့ လက်နက်ကြီးကျရောက်ပေါက်ကွဲပြီး အဖွားတစ်ဦး ထိခိုက် ဒဏ်ရာရရှိကြောင်း သိရသည်။
” နေ့လည် ၁၂ နာရီကျော်က ကောင်လန်းရပ်ကွက်ထဲက လူနေအိမ်တွေပေါ် ရှော့တိုက်ဒုံး ၃ လုံး ကျရောက် ပေါက်ကွဲတယ်၊ အဲ့အိမ်က အသက် ၇၀ အဖွားတစ်ဦး ဒဏ်ရာရရှိသွားတယ်၊ ဘယ်အဖွဲ့က ပစ်တာလဲ သေချာတော့မသိဘူး” လို့ ဒေသခံတစ်ဦးထံမှသိရသည်။
ယခုလက်နက်ကြီးပစ်ခတ်မှုသည် မည့်သည့်အဖွဲ့အစည်းမှ ပစ်ခတ်သွားသည်ကို Hsan Loi Voice အနေဖြင့် ဆက်လက်စုံစမ်းနေပြီး နမ့်လန်မြို့ကိုတော့ စစ်ကောင်စီက ထိန်းချုပ်ထားတာဖြစ်ပါသည်။
ပြီးခဲ့သည့် နိုဝင်ဘာလ(၅)ရက်ကလည်း နမ့်လန်မြို့ရှိ တောင်ရပ်ကွက်အတွင်းသို့ လက်နက်ကြီးကျရောက်ပေါက်ကွဲပြီး ဒေသခံပြည်သူများ၏နေအိမ်များ ထိခိုက်ပျက်စီးရကြောင်း သိရသည်။
