ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း နမ့်ဆန်မြို့ကို TNLA အဖွဲ့က တိုက်ခိုက်သိမ်းပိုက်ထားနိုင်ပြီဖြစ်ကြောင်း TNLA က ထုတ်ပြန်ခဲ့သည်။ ထိုအတူ စစ်ကောင်စီတပ်၏ ဟောင်ဝစ်ဇာ အမြောက် ၄ ခု၊ လက်နက်မျိုးစုံ၊ မိုင်းမျိုးစုံ၊ ခဲယမ်းမျိုးစုံများစွာနှင့် စစ်အသုံးအဆောင်ပစ္စည်းများ သိမ်းဆည်းရရှိသည်ဟု ဆိုသည်။
နမ့်ဆန်မြို့ရှိ စစ်ကောင်စီ တပ်မ-၁၀၁၊ တပ်မမှူးအခြေချ ကွပ်ကဲနေသော တပ်စခန်းအားလုံးကို ဒီဇင်ဘာ ၁၅ ရက် ညနေပိုင်းမှာ အလုံးစုံ ဝင်ရောက်ရှင်းလင်းနိုင်ခဲ့ခြင်း ဖြစ်သည်။ မြို့သိမ်းတိုက်ပွဲအတွင်း စစ်ကောင်စီတပ်၏ အလောင်း (၆၀) ကျော်နှင့်စစ်သုံ့ပန်းအဖြစ် စစ်ကောင်စီတပ် (၃၀) ဦး၊ မိသားစုဝင် (၃) ဦး၊ ရဲ (၆) ဦး၊ ရဲမိသားစုဝင် (၂၅) ဦး စုစုပေါင်း (၆၄) ဦး ဖမ်းဆီးရမိကြောင်း သတင်းရရှိသည်။
