ထိုင်းရောက် မြန်မာ၊ သျှမ်း၊ ပအိုဝ်း၊ ကရင်၊ ရခိုင်၊ ဂေါ်ရခါး လုပ်သမားများအားလုံး MOU အလုပ်လုပ်ခွင့် လျှောက်ထားကြရန် ထိုင်းအလုပ်သမားရေးရာဌာနက ကြေညာထား

ထိုင်းရောက်နေသော မြန်မာပြည် တိုင်းနှင့်ပြည်နယ် ဒေသအသီးသီးက ရွှေ့ပြောင်းအလုပ်သမားများ MOU ခေါ် အလုပ်လုပ်ခွင့်ဗီဆာနှင့် ပတ်စ်ပို့များကို ဇူလိူင်လအတွင်း အပြီးသတ် လျှောက်ထားကြရန် ထိုင်းအလုပ်သမားရေးရာဌာနက နိူးဆော်ထားကြောင်း မြန်မာနှင့် သျှမ်းရွှေ့ပြောင်းအလုပ်သမားများကို ကူညီပံ့ပိုးပေးနေသည့် အန်ဂျီအိုအဖွဲ့တခုထံက သိရသည်။

“ ကိုယ်တိုင်လုပ်ရင် ပုံမှန်ပေါ့ အရင်တုန်းက (ဗီဆာ+ပတ်စ်ပို့ ၂ မျိုးစလုံးကို) ဘတ် ၇ ထောင်နဲ့ ၈ ထောင့်ငါးရာ ကြားမှာ ရှိတယ်၊ ပွဲစားနဲ့လုပ်မယ်ဆိုရင်တော့ စေ◌ျးက ဘတ် ၁ သောင်းနဲ့ ၁ သောင်းခွဲကြား လောက် ရှိမယ်၊ ဒီတခေါက်တော့ အသေးစိတ်မသိသေးဘူး သူတို့ မကြေညာသေးဘူး၊ ဗီဆာကတော့ ၁ နှစ်ပေးတယ်၊ အလုပ်လုပ်ခွင့်ကတော့ ၂ နှစ်တကြိမ် သက်တမ်းတိုးခိုင်းတဲ့အုပ်စုတွေလည်း ရှိတယ်” ဟု ထိုင်းအခြေစိုက် မြန်မာနှင့် သျှမ်းရွှေ့ပြောင်းအလုပ်သမား ကူညီပံ့ပိုးရေးအဖွဲ့တခုက ပြောပါသည်။

အကြောင်းအမျိုးမျိုးကြောင့် ထိုင်းရောက်နေပြီး အလုပ်လုပ်ကိုင်ခွင့်ဗီဆာနှင့် ပတ်စ်ပို့ တကြိမ်တခါမှ မလျှောက်ရသေးသော မြန်မာ၊ လာအို၊ ကမ္ဘောဒီးယား ရွှေ့ပြောင်းအလုပ်သမားအားလုံး အကျုံးဝင်ကြောင်း ပြောပါသည်။

သို့သော် ထိုင်းနိုင်ငံသား အလုပ်ရှင်တဦးဦး ရှိထားရန် လိုအပ်သည်ဟု သိရပါသည်။

မိမိတို့နေထိုင်ရာ မြို့နယ်ရှိ အလုပ်သမားရေးရာရုံး (သို့မဟုတ်) လုပ်ပိုင်ခွင့်ရ ကုမ္ပဏီထံသို့ ယခု ဇူလိူင်လကုန်ရက် နောက်ဆုံး ဖောင်ဖြည့် စာရင်းသွားသွင်းရမည်ဟု သိရသည်။