ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ညီနောင်မဟာမိတ် ၃ဖွဲ့သည် အခက်အခဲ ဖိအားပေါင်းစုံကို နည်းလမ်းမျိုးစုံနဲ့ စုစည်းညီညွတ်စွာ အတူတကွဖြတ်ကျော်ပြီး ၁၀၂၇ စစ်ဆင်ရေး စီမံချက်လှိုင်းလုံးများနဲ့အတူ တော်လှန်ရေးအောင်ပွဲ ရောက်ရှိသည်အထိ ခိုင်မာတဲ့ ညီနောင်မဟာမိတ်စိတ်ဓါတ်နဲ့ စည်းလုံးညီညွတ်ကြပါမယ်လို့ MNDAA နဲ့ TNLA တို့က ကတိပြုရင်း ဂုဏ်ပြုသဝဏ်လွာပေးပို့ခဲ့ပါတယ်။
ယနေ့ ဧပြီ ၁၀ ရက်နေ့မှာ ကျရောက်တဲ့ အာရက္ခတပ်တော်(AA)ရဲ့ (၁၆)နှစ် မြောက် နှစ်ပတ်လည် အထိမ်းအမှတ်နေ့မှာ ညီနောင်မဟာမိတ်အဖွဲ့ဝင်ဖြစ်တဲ့ MNDAA နှင့် TNLA တို့က ပေးပို့တဲ့ ဂုဏ်ပြု သဝဏ်လွှာမှာ ဖော်ပြထားပါတယ်။
အာရက္ခပြည်သူတစ်ရပ်လုံး အဖိနှိပ်ခံဘဝမှ လွတ်မြောက်ရေးအတွက် ၂၀၀၉ ခုနှစ် ဧပြီလ ၁၀ ရက်နေ့က စတင်ဖွဲ့စည်းတည်ထောင်လိုက်တဲ့ အာရက္ခတပ်တော် (AA)သည် ယနေ့ဆိုလျှင် ၁၆ နှစ်ပြည့်မြောက်ပြီ ဖြစ်ကာ ၁၀၂၇ စစ်ဆင်ရေးစတင်ချိန်ကနေ ယနေ့ထိ ရခိုင်ပြည်နယ်ရှိ မြို့နယ်(၁၄)ခုနဲ့ ချင်းပြည်နယ်ရှိ ပလက်ဝမြို့နယ်တို့အား သိမ်းပိုက်ထိန်းချုပ်ထားနိုင်ခဲ့ပါတယ်။
AA အနေနဲ့ အမ်းမြို့ရှိ အနောက်ပိုင်းတိုင်း စစ်ဌာနချုပ်တစ်ခုလုံး သိမ်းပိုက်ရရှိထားသလို ကျောက်ဖြူမြို့ နယ်နဲ့ စစ်တွေမြို့နယ်မှာလည်း ယခုရက်ပိုင်းမှာ တိုက်ပွဲများဖြစ်ပွားနေတယ်လို့ သိရပါတယ်။
