ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
တောင်ကြီးမြို့၊မြို့မဈေးရှေ့ Ocean Center အ ဆောက်အဦး၏ မြေညီထပ်တွင် ဖွင့်လှစ်ထားသော NICE It ဖုန်းဆိုင် ယနေ့မနက်ပိုင်းက ဖောက်ထွင်းခံ ရကြောင်း သိရသည် ။
” လောလောဆယ်တော့ ရဲတွေလာစစ်နေတယ် ၊ ဘယ် လောက်ပါသွားလဲဆိုတာတော့ ပိုင်ရှင်ပဲသိမယ် ခုအခြေ အနေကအား လုံးသိကြတဲ့အတိုင်းပဲ ဘယ်သူ့ကို အားကိုးရမှန်းမသိတော့ဘူး ခိုးဆိုးလုနှိုက်တွေ ထင်တိုင်းကျဲနေတာ သူတို့ထုတ်ထားတဲ့ ညမထွက်ရအမိန့် က သူခိုးတွေ အတွက်မပါဘူးထင်ပါတယ် ” ဟု Ocean Center အနီးတွင် စျေးရောင်းနေသူတစ်ဦးကပြောသည် ။
ဖောက်ထွင်းခိုးယူသူ များသည် အုပ်စုဖွဲ့၍ ယနေ့နံနက် တစ်နာရီ ချိန်ခန့်က NICE It ဖုန်းဆိုင်၏ ဆိုင်မှန်တံခါးများကို ဖျက်ဆီး ဝင်ရောက်ပြီး ဖုန်းများနှင့် အခြားဆက် စပ်ပစ္စည်းများကိုပါ ခိုးယူသွားခြင်းဖြစ်ကြောင်းသိရသည် ။
ဖောက်ထွင်း ခိုးယူခံလိုက်ရသည့် ပစ္စည်းတန်ဖိုးများကို HsanLoiVoice မှအတည်မပြုနိုင်သေးပေ ။ အဆိုပါဖောက်ထွင်းခံလိုက်ရသော NICE It ဖုန်းဆိုင်သည် အမှတ်(၁)မြို့မရဲစခန်း၏ အနီးတစ်ဝိုက်တွင်တည်ရှိနေသည် ။
ပြီးခဲ့သည့်နိုဝင်ဘာလက အမှတ်(၁) မြို့ရဲစခန်းအနီး
ဖွင့်လှစ်ထားသော ဖုန်းဆိုင်တစ်ခုတွင် လုယက်မှု ဖြစ်ပွားခဲ့ရာ အဆိုပါလုယက်သူများကို ယနေ့အထိ ဖမ်းဆီးရမိခြင်း မရှိသေးကြောင်းမြို့ခံများကပြောသည် ။
စစ်ကောင်စီအာဏာသိမ်းမှုဖြစ်ပွားပြီးနောက် နိုင်ငံနှင့်တစ်ဝန်းတွင် ခိုးဆိုးလုနှိုက်စသည့်ရာဇဝတ်မှုများအရှိန် အဟုတ်ဖြင့် နေရာတိုင်တွင်ဖြစ်ပွားနေသော်လည်း ဖမ်း ဆီးဖော်ထုတ်မှု သိသိသာသာနည်းပါးနေကြောင်း သိရသည် ။
