ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော  | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်

တောင်ကြီး- ကက္ကူ သွားလမ်းတွင် ဓါးပြမှုများ ဆက်တိုက်ဖြစ်ပွား

တောင်ကြီး- ကက္ကူ သွားလမ်းတွင် ဓါးပြမှုများ ဆက်တိုက်ဖြစ်ပွား

Hsan Loi Editor
22/12/2022
Share:

 

သျှမ်းပြည်နယ်တောင်ပိုင်း ဘုရားဖူးဧည့်သည်များအများအပြားလာရောက်လည်ပတ် လေ့ရှိသည့် တောင်ကြီး- ကက္ကူ လမ်းမအနီးတွင် ပြီးခဲ့သည့်ရက်ပိုင်းက ဓါးပြတိုက်မှု များဆက်တိုက်ဖြစ်ပွား ခဲ့ကြောင်းသိရသည်။

“လင်မယားနှစ်ယောက် တောင်ကြီးကနေ ကုန်ပို့ပြီးအပြန်ပင်စုံမှာဖြစ်သွားတာ ၊ ဖုန်းတွေရောပိုက်ဆံတွေရော ကားလိုင်စင်တွေရော ပါသွားတယ်၊ ဓါးပြကောင်တွေက သူတို့မျက်နှာတောင်မအုပ်တော့ဘူး အရမ်းအတင့်ရဲနေပြီ ၊ ကျွန်တော်တို့ဒေသမှာ အရင်တုန်းက ဒီလိုမျိုး ကြားတောင်မကြားခဲ့ဖူးဘူး” ဟု သျှမ်းတောင်ဒေသခံတစ်ဦးကပြောသည်။

ပြီးခဲ့သည့် ဒီဇင်ဘာ ၁၅ ရက်နေ့က ဆီဆိုင်မြို့တွင်နေထိုင်သည့် ဇနီးမောင်နှံနှစ်ဦး တောင်ကြီးသို့ ကုန်ပို့ပြီးအပြန်လမ်း ပင်စုံကျေးရွာအနီးတွင် အမည်မသိအမျိုးသားနှစ်ဦးမှ ဓါးဖြင့်ထောက်၍ ဖုန်း ၂ လုံး ၊ ငွေသား ၂၂ သိန်းကျော်နှင့် ကားလိုင်စင်တို့ကို လုယူသွား ခြင်းဖြစ်သည်။

“ကားလမ်းလည်းကောင်းတယ် ခရီးလည်းသွင်တော့ အဲ့ဒီလမ်းကို တော်တော်များများ ဖြတ်သန်းသွားလာကြတာပေါ့ ၊ ခုရက်ပိုင်းအဲ့ဒီဖက်ကို ဘယ်ကုန်ကားမှ မသွားရဲကြဘူး ဒီလထဲမှာပဲ လူငယ်တစ်ယောက်လဲ အဲ့ဒီ ပင်စုံရွာအနီးမှာပဲ ဆိုင်ကယ်လုခံရတာပါသွားတယ် ၊ ခုအခြေအနေက ဘယ်မှာမှ မလုံခြုံတော့ဘူး ” ဟု ဒေသခံတစ်ဦးကပြောသည်။

အဆိုပါကက္ကူဒေသတွင် ပအိုဝ်းပြည်သူ့စစ်အဖွဲ့နှင့် စစ်ကောင်စီလုံခြုံရေး တပ်ဖွဲ့များ နယ်မြေစိုးမိုးထားသော ဒေသဖြစ်သည်။

#HsanLoiVoice

https://instagram.com/hsan.loivoice?igshid=YmMyMTA2M2Y=

https://hsanloivoice.org/