ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
တိုက်ပွဲတွေပြင်းထန်နေတဲ့ ကယား( ကရင်နီ ) ပြည်နဲ့ နယ်မိမိတ်ချင်းထိစပ်နေတဲ့ သျှမ်းပြည်တောင်ပိုင်း ကလော နဲ့ တောင်ကြီး မှာ စစ်ကောင်စီက ဦးဆောင်ကျင်းပမယ့် တန်ဆောင်တိုင်ပွဲ ကိုသွားရောက်မလည် ပတ်ကြဖို့ Urban Task Force Aung Ban – UTF အောင်ပန်းမြို့ပြပြောက်ကျားတပ်စုက မနေ့ကသတိပေးထုတ်ပြန်ထားပါတယ် ။
” စစ်ကောင်စီကတော့ ဘယ်သူ သေသေ ငတေမာရင်ပြီးရော တိုင်းပြည်အေးချမ်းကြောင်း ပြသဖို့ သင်တို့ရဲ့ အပျော်အပါးမက်တဲ့ စိတ်ကို အဆုံးထိ အသုံးချမှာ ဖြစ်လို့ဆင်ခြင်ရမှာက သင်တို့ ကိုယ်တိုင်ပါပဲ ။ဒီလောက်လူတွေ အများကြီးစုနေတာ လူသားဒိုင်းအဖြစ် အသုံးမချဘူးလို့ ပြောလို့မရသလို ပွဲရက်အတွင်း ကိုယ့် လုံခြုံရေး ကိုလည်း ဘယ်သူ့မှ တာဝန်မယူပါဘူး။ကိုယ်ဖြစ်ကိုယ်ခံပါပဲ ။သင်တို့သွားမယ့် ဒေသရဲ့ မနီးမဝေးမှာ သင်တို့သွားတဲ့ဒေသက နယ်ခံတွေ အသက်တွေ စတေးပြီး လုံးပမ်းနေရပါတယ် ။ တိုင်းပြည်အေးချမ်းနေတာ မဟုတ်ကြောင်း သတိလေးချပ်စေချင်ပါတယ် ” လို့ UTF ကထုတ်ပြန်ပြောဆိုထားပါတယ် ။
လက်ရှိမှာ စစ်ကောင်စီနဲ့ ကရင်နီတော်လှန်ရေးတပ်တို့ တိုက်ပွဲပြင်းထန်နေတဲ့အတွက် သျှမ်းတောင်ဖက်ကို စစ်ဘေးရှောင်ပြည်သူတွေ အလုံးအရင်းနဲ့ ဝင်လာတဲ့ ကာလမှာ စစ်ကောင်စီက တန်ဆောင်တိုင်ပွဲ တော်ကျင်းပနိုင်ရေးကိုသာ ကြိုးပမ်းနေတာပဲဖြစ်ပါတယ် ။
ဒါ့ကြောင့် UTF အနေနဲ့ မဖြစ်မနေ ခရီးသွားရမယ့် ပြည်သူတွေအတွက်လည်း ပွဲရက်တွေကို ရှောင်ပြီးမှ သွားလာကြဖို့ ၊ မိမိနဲ့ မိသားစု အသက်အန္တရာယ်ကို ကာကွယ်ရင်း စစ်ကောင်စီက အတင်းအကျပ် စီစဥ်တဲ့ပွဲတွေကို Boycott (သပိတ်မှောက်) ပေးကြဖို့ မေတ္တာရပ်ခံ တိုက် တွန်းထားတာပါ ။
