ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
မိုးအဆက်မပြတ်ပြန်လည်ရွာသွန်းလာမှုကြောင့် သျှမ်းပြည်နယ်အရှေ့ပိုင်း တာချီလိတ်မြို့တွင် မယ်ဆိုင်ချောင်းရေ ပြန်လည်မြင့်တက်လာမှုမှင့်အတူ မြို့တွင်းရပ်ကွက်များ၌ ရေကြီးရေလျှံမှု ပြန်လည်ဖြစ်ပေါ်နေကြောင်း သိရသည်။
ယမန်နေ့ အောက်တိုဘာလ (၂) ရက်နေ့ ညပိုင်း(၁၁) နာရီခန့်က စတင်၍ ရေပြန်တက်လာခြင်းဖြစ်ကာ တာချီလိတ်မြို့ရှိ အနိမ့်ပိုင်းရပ်ကွက်များဖြစ်သော မယ်ခေါင်ရပ်ကွက်နှင့် ပုန်းထွန်ရပ်ကွက်များ၌ သွားလာ၍ပင် မရတော့ဟုဆိုသည်။
ဒါ့အပြင် လွယ်တော်ခမ်း စစ်ဆေးရေးဂိတ်အနီးရှိ ယာယီကြိုးတံတားသည်လည်း ယနေ့ နံနက် (၉) နာရီခန့်၌ ရေထဲမျောပါသွားဖြစ်ကြောင်း သိရသည်။
“ မြေနိမ့်ပိုင်း ရပ်ကွက်ထဲကလူတွေတော့ နီးစပ်ရာ ဘုန်းကြီးကျောင်းတွေ ယာယီရေဘေးရှောင်နေရာတွေမှာ သွားစုနေကြပြီ။ လျှပ်စစ်မီးလည်း ပြတ်တောက်သွားပြီ။ ရေကဆက်တက်နေတုန်းဆိုတော့ ကူညီကယ်ဆယ်ရေးအတွက် အဆင်သင့်ပြင်ဆင်ထားကြပါတယ်။” ဟု တာချီလိတ် လူမှုကူညီရေးလုပ်ငန်းဆောင်ရွက်နေသူ ကိုစိုင်းလင်းက ပြောပြသည်။
တာချီလိတ်တွင် မိုးမများသော်လည်း မိုင်းဆတ်ခရိုင်အတွင်း ယမန်နေ့ညက မိုးအဆက်မပြတ်ရွာသွန်းပြီး တောင်ကျရေများ ချောင်းအတွင်းဝင်ရောက်ပြီး ရေကြီးမှုဖြစ်ပေါ်စေခြင်းဖြစ်ကြောင်း ဆက်စပ်သတင်းရရှိသည်။
