တာချီလိတ်မြို့ကျားဖြန့်ဂိုဏ်း ဝင်ရောက်ဖမ်းဆီးမှုတွင် ထိုင်းနိုင်ငံသား(၁၄၈)ဦး၊ တရုတ်နိုင်ငံသား(၁)ဦးနှင့် မြန်မာနိုင်ငံသား(၅၄၀)ဦး ဖမ်းဆီးခံရဟုဆို

သျှမ်းပြည်နယ်အရှေ့ပိုင်း တာချီလိတ်မြို့ ဆန်ဆိုင်း(က)ရပ်ကွက်၊ တိုးနယားလမ်းရှိ ကျော်သိန်း(ခ)ခွန်မောင်ညိုပိုင်ဆိုင်သော ခြံဝိုင်းအတွင်း ဖေဖော်ဝါရီလ(၂၃)ရက်နေ့ နံနက်(၅)နာရီခန့်က စစ်ကောင်စီတပ်ဖွဲ့ဝင်များက ဝင်ရောက်ဖမ်းဆီးရာတွင် ကျားဖြန့်လုပ်ငန်းလုပ်ကိုင်ကြသော ထိုင်းနိုင်ငံသား(၁၄၈)ဦး၊ တရုတ်နိုင်ငံသား(၁)ဦးနှင့် မြန်မာနိုင်ငံသား(၅၄၀)ဦး ဖမ်းဆီးခံခဲ့ရသည်ဟု ဆိုသည်။

တရုတ်နိုင်ငံသားနှင့် ထိုင်းနိုင်ငံသားများအား ၎င်းတို့၏ သက်ဆိုင်ရာနိုင်ငံများသို့ ပြန်လည်လွှဲပြောင်းသွားဖြစ်ပြီး မြန်မာနိုင်ငံသားများအား တရားဥပဒေအရ ဆက်လက်အရေးယူသွားမည်ဟု စစ်ကောင်စီ၏ သတင်းအရင်းအမြစ်က ဖော်ပြထားသည်။