ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ် အရှေ့ပိုင်း ၊ တာချီလိတ် မြို့နယ်အတွင်း ယနေ့ နံနက် ပိုင်းကနေအိမ်များ ဆက်တိုက်မီးလောင်မှုဖြစ်ပွားခဲ့ကြောင်းသိရသည် ။
ယနေ့ နံနက် ၄ နာရီချိန်ခန့်က တာချီလိတ်မြို့နယ် ၊ဆန်ဆိုင်း(က)ရပ်ကွက် ပုံလို့လမ်း အနီးသဇင် (၃) လမ်းရှိ လူမနေရသေးသည့် တိုက်အိမ်အသစ် တစ် လုံးမီးလောင် မှုဖြစ်ပွားခဲ့ပြီး မိုင်းဖုန်း (ခ)ကျေး ရွာအုပ်စု ၊ပါခုတ်ကျေးရွာတွင် ယနေ့ နံနက် ၁၀ နာရီ ဝန်းကျင်၌ အိမ်ရှိ ဆိုလာဘက်ထရီအိုး အပူလွန်ကဲရာမှ အုတ်ခံပျဉ်ကာ နှစ်ထပ်အိမ်တစ်လုံး မီးလောင်ပျက်စီးခဲ့ကြောင်း သိရသည်။
” နွေရာသီရောက်ပြီဆိုတော့ မီးဘေးသတိထားဖို့လိုပြီ မနက်အစောပိုင်းကလောင်တဲ့ အိမ်ကတော့ အိမ်အသစ်ဘာကြောင့်လောင်လဲမသိသေးဘူး ၊မီးသတ်တွေလာငြိမ်းလို့ ၁၁ နာရီလောက်မှာ မီးငြိမ်းသွားတယ် ” ဟု တာချီလိတ်ဒေသခံတစ်ဦးကပြောသည် ။
အဆိုပါ မီးလောင်မှုများကြောင့် နေအိမ် နှစ်လုံး ပျက်စီး ဆုံးရှုံးခဲ့ပြီး ပစ္စည်းဆုံးရှုံးမှုအား အတည်ပြုနိုင်ခြင်းမရှိသေးပေ ။
