ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော  | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်

တာချီလိတ်တွင်ပျောက်ဆုံးနေသော ကျောင်းသူ ၃ ဦး မိုင်းဖြတ်တွင် ပြန်လည်တွေ့ရှိ 

တာချီလိတ်တွင်ပျောက်ဆုံးနေသော ကျောင်းသူ ၃ ဦး မိုင်းဖြတ်တွင် ပြန်လည်တွေ့ရှိ 

Hsan Loi Editor
23/12/2023
Share:

 

သျှမ်းပြည်အရှေ့ပိုင်း တာချီလိတ်မြို့၊ ရန်အောင် မြေ၊ ပါလျှဲ(၁) ၊အခြေခံပညာအထက် တန်းကျောင်း မှ အသက် ၁၇ နှစ် အရွယ် နဝမတန်းကျောင်းသူ ၃ ဦး တို့သည် ဒီဇင်ဘာ ၂၁ ရက်နေ့ က ပျောက်ဆုံးသွားကြောင်းသိရသည်။

 

“ ကြားရသလောက်ကတော့ ကလေး ၃ ယောက်က အိမ်ကနေ ထွက်သွားတာကျောင်းကိုသွားတဲ့ ပုံစံ ကျောင်းရောက်တော့ လိမ်ပြီးခွင့်တိုင်ပြီးမိုင်းဖြတ်ဘက်ကို ဆိုင်ကယ် တစ်စီးနဲ့ သွားလည်ကြတာ မိဘတွေလိုက်ရှာရင်း မိုင်းဖြတ်မြို့ မှာပြန်တွေ့တယ်လို့သိရတယ် ” ဟု တာချီလိတ်မြို့ခံတစ်ဦးကပြော သည်။

 

ဖြစ်စဉ်မှာ အဆိုပါကျောင်းသူ ၃ ဦးတို့သည် ပါလျှဲ (၁)၊ အထက် တန်းကျောင်းမှ နဝမတန်းကျောင်းသူများဖြစ်ကြပြီး စာမေးပွဲ ဖြေဆိုခြင်းမရှိပဲလိမ်လည် ခွင့်တိုင်တန်းကာ ဆိုင်ကယ် ၁ စီးဖြင့် မိုင်းဖြတ်မြို့ဘက်သို့ ထွက်သွားရာမှ ညနေအထိပြန်လည်ရောက်ရှိခြင်းမရှိသောကြောင့် မိဘများ စိတ်ပူ၍ လိုက်လံရှာဖွေကြရာ မိုင်းဖြတ်မြို့ အနီးပြန်လည်တွေ့ရှိခဲ့ကြောင်းသိရသည်။