ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
နိုဝင်ဘာ ၁ ရက်နေ့ကစတင်ပြီး ရန်ကုန်-မန္တလေးကို လေယာဉ်နဲ့ခရီးသွားလိုသူတွေ အတွက် ဆိုက် ရောက်နဲ့ထွက်ခွါပုံစံတွေကို မဖြစ်မနေဖြည့်စွက် ရမှာဖြစ်ပြီး နိုင်ငံသား စီစစ်ရေးကဒ်မှတ်ပုံတင်နဲ့ တရားဝင်ခရီးသွားစာရွက်စာတန်းအပြည့်အစုံပါမှ ခွင့်ပြုတော့ မှာဖြစ်တယ်လို့ ရန်ကုန်အပြည်ပြည်ဆိုင်ရာလေဆိပ်ရဲ့ထုတ်ပြန်ချက်တွေအရ သိရ ပါတယ် ။
လေကြောင်းပို့ဆောင်ရေးဦးစီဌာနရဲ့ညွှန်ကြားချက်နဲ့ ရန်ကုန်မှမန္တလေးသို့ထွက်ခွာ မယ့်ခရီးသည်များအနေနဲ့ Departure Card (ထွက်ခွါပုံစံ)နဲ့ မန္တလေးမှ ရန်ကုန်သို့ စိုက်ရောက်ခရီးသည်တွေအတွက် Arrival Card (ဆိုက်ရောက်ပုံစံ) တွေကို မဖြစ်မနေဖြည့်စွက်ရမှာဖြစ်ပြီး အသေးစိတ်အချက်အလက်တွေကို သက်ဆိုင်ရာ လေကြောင်းလိုင်းအသီးသီးကို ဆက်သွယ်မေးမြန်း နိုင်တယ်လို့ ထုတ်ပြန်ထားတာပါ ။
Arrival နဲ့Departure Card ဟာ ပြည်ပထွက်ခွွာတဲ့ လေကြောင်းလိုင်းခရီးစဉ်မှသာ ဖြည့်ရတဲ့ဖောင်ဖြစ်တဲ့အတွက် အခုလို ပြည်တွင်းလေကြောင်းခရီးသွားလာမှုစည်းမျဉ်း သတ်မှတ်ချက်စနစ်သစ်အပေါ် ဝေဖန်မှုတွေ အမျိုးမျိုးရှိနေပါတယ် ။