ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
တစ်နိုင်ငံလုံးအတိုင်းအတာအနေဖြင့် လျှပ်စစ်မီးအလုံအလောက်မရရှိတဲ့အပြင် အင်တာနက်လိုင်း ၊ ဖုန်းလိုင်းများ ကန့်သတ်ထားပြီး စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က Myanmar QR (MMQR) နဲ့ ငွေပေးချေမှု တွန်းအားလုပ်ဆောင်လာပါတယ်။
ယမန်နေ့ ဖေဖော်ဝါရီလ ၂၇ရက်က နေပြည်တော်မှာ ကျင်းပတဲ့ မြန်မာနိုင်ငံ၏ ဒီဂျစ်တယ်ငွေပေးချေမှု အတွက် National QR Standard ဖြစ်တဲ့ MMQR စတင်အသုံးပြုခြင်းအခမ်းအနားမှာ စစ်ခေါင်း ဆောင် က MMQR အသုံးပြုခြင်းဖြင့် စီးပွားရေးလုပ်ငန်းမျိုးစုံမှာ အသုံးပြုနိုင်မှာဖြစ်သလို အများ ပြည်သူ၏ နေ့စဉ်လူမှုဘဝတွင် ငွေလွှဲပြောင်းပေးချေမှုများကို လုံခြုံစိတ်ချစွာနဲ့ လွယ်ကူလျင်မြန်စွာ ဆောင်ရွက်နိုင်ရန်၊ နိုင်ငံအတွင်း ငွေသားကိုင်တွယ်သုံးစွဲမှု လျှော့ချနိုင်ပြီး ဒစ်ဂျစ်တယ်ပေးချေမှုများကို တိုးမြှင့်သုံးစွဲနိုင်ရန်ဖြစ်တယ်လို့ ဆိုပါတယ်။
မြန်မာကြူအာ (MMQR)အသုံးပြုပြီး ငွေပေးချေမှုနဲ့ အစိုးရကို အခွန်အခ၊ မီတာခပေးဆောင်ခြင်း၊ ခရီးသွားလုပ်ငန်း၊ နိုင်ငံ့ဝန်ထမ်းများ လစာပေးခြင်း၊ ပင်စင်ထုတ်ပေးခြင်း၊ အသေးစားစီးပွားရေး လုပ်ငန်း၊ စက်သုံးဆီအရောင်းဆိုင်၊ ပုဂ္ဂလိကဆေးရုံများ၊ ကျောင်းများနှင့် လူသုံးကုန်ပစ္စည်းများ ရောင်းချခြင်း စတဲ့ စီးပွားရေးလုပ်ငန်းအစုံမှာ အသုံးပြုနိုင်မည်ဖြစ်တယ်လို့ စစ်ခေါင်းဆောင်က ပြောပါတယ်။
MMQR စနစ်ဟာ သီးခြားစီရှိနေတဲ့ မိုဘိုင်းငွေပေးချေမှုတွေကို အပြန်အလှန်ချိတ်ဆက် ပေးချေနိုင်မှာ ဖြစ်လို့ သုံးစွဲသူတွေအနေဖြင့် Mobile Wallet တစ်ခုရှိရုံနဲ့ မည်သည့်နေရာကိုမဆို ပေးချေနိုင်မှာ ဖြစ်တယ်လို့ သိရပါတယ်။
