ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယခုကာလတွင် တစ်နိုင်ငံလုံးအတိုင်းအတာနဲ့ လျှပ်စစ်ဓါတ်အား တစ်ရက်ပျှမ်းမျှ (၂၂၀၀)မဂ္ဂါဝပ်ခန့်သာ ထုတ်လုပ်နိုင်ပြီး ထုတ်လုပ်နိုင်မှု၏ (၅၀%)ခန့်ကိုသာ ထုတ်လုပ်ဖြန့်ဖြူးပေးနိုင်တဲ့ အပေါ်နားလည်ခွင့်လွှတ်ပေးဖို့ စစ်ကောင်စီရဲ့ လျှပ်စစ်စွမ်းအင်ဝန်ကြီး ဌာနက ယမန်နေ့ ဇန်နဝါရီလ(၆)ရက်က ထုတ်ပြန်လာခဲ့ပါတယ်။
ရန်ကုန်တိုင်းဒေသကြီးမှာတော့ အုပ်စု(၃)စုခွဲကာ တစ်အုပ်စုကို လျှပ်စစ်မီး(၄)နာရီပေး၊ (၈)နာရီပိတ် အလှည့် ကျ မီးပေးပြီး ကျန်တိုင်းနဲ့ပြည်နယ်များကတော့ အုပ်စုများခွဲကာ တစ်အုပ်စုကို (၆)နာရီ အလှည့်ကျအစီအစဥ်နဲ့ ဓါတ်အားဖြန့်ဖြူးပေးလျက်ရှိတယ်လို့ ဆိုပါတယ်။
“ အုပ်စုခွဲပြီး မီးပေးမယ်တာပြောတာ မီးလာရမယ့်အချိန်မှာ မလာဘူး၊ လာရင်လည်း နာရီဝက်တောင်မကြာဘူး ပြန်ပျက်သွားတယ်၊ ထမင်းအိုးဆို သွန်ပစ်ရတာ ခနခနပဲ၊ စားဝတ်နေရေးက ခက်ခဲပါ တယ်ဆို မီးကပါ ပုံမှန်မရတော့ လုပ်ကိုင်စားသောက်ရတာ အခက်အခဲဖြစ်တယ်လေ” လို့ ရန်ကုန်မြို့နေ ပြည်သူတစ်ဦးက ပြောပါတယ်။
ဒါပေမယ့် ပြည်ထောင်စုနယ်မြေ (နေပြည်တော်) လိုနေရာမှာတော့ အများပြည်သူအတွက် တစ်ရက်ပျှမ်းမျှ(၁၆)နာရီပေး၊ (၈)နာရီပိတ်ပြီး စစ်ကောင်စီ ဝန်ထမ်းအိမ်ရာများကိုတော့ (၁၈)နာရီပေး၊ (၄)နာရီပိတ် အစီအစဥ်နဲ့ ဓါတ်အားဖြန့်ဖြူးပေးတယ်လို့ သိရပါတယ်။
လျှပ်စစ်ဓါတ်အားလိုင်း ပို့လွှတ်ပေးတဲ့ ဓါတ်တိုင်နဲ့ ဓါတ်အားလိုင်းကြိုးတွေကို တော်လှန်ရေးတပ်ဖွဲ့များမှ ဖျက်ဆီးတာနဲ့ သဘာဝဘေးတွေကြောင့် ဓါတ်အားအလုံအလောက်မပေးနိုင်တာဖြစ်တယ်လို့အကြောင်း ပြကာ လက်ရှိလျှပ်စစ်ဓါတ်အားလိုအပ်ချက်ကို ကာလတို ဖြေရှင်းနိုင်ရန်အတွက် LNG ဓါတ်အားပေးစက်ရုံ စီမံကိန်းများကို အကောင်အထည်ဖော်နိုင်ရန် စီစဥ်ဆောင်ရွက်နေတယ်လို့ သိရပါတယ်။
