ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်တောင်ပိုင်း ဆီဆိုင်မြို့နယ်အတွင်း စစ်ကောင်စီ+PNO ပူးပေါင်းအဖွဲ့နှင့် PNLA+PDF ပူးပေါင်းအဖွဲ့တို့ တိုက်ပွဲပြင်းထန်စွာဖြစ်ပွားခဲ့ပြီး စစ်ကောင်စီတပ်သား (၅၀)ဦး၏ အလောင်းနှင့်အတူ လက်နက်(၅၀) ကို သိမ်းဆည်းရရှိခဲ့ကြောင်း PNLA က ယနေ့တွင် ထုတ်ပြန်ကြေညာခဲ့သည်။
ဆီဆိုင်မြို့ မြောက်ဘက်ပိုင်းတွင် သေဆုံးနေသော စစ်ကောင်စီတပ်သားများ၏ အလောင်းများအား စစ်ကောင်စီဘက်က ပြန်လာကောက်ခြင်းမပြုသည့်အတွက် PNLA က မြုပ်နှံသဂြိုလ်ပေးခဲ့ရသည်ဟုဆိုသည်။
လက်ရှိအချိန်အထိ ဆီဆိုင်မြို့အတွင်းကို စစ်ကောင်စီဘက်က လက်နက်ကြီး၊ ဒရုန်းဗုံး၊ လေကြောင်းဗုံးကြဲတိုက်ခိုက်မှု ဆက်လက်ပြုလုပ်နေပြီး ဆီဆိုင်မြို့နယ် လွယ်ထွဲကျေးရွာဘုန်းကြီးကျောင်း ဗုံးထိမှန်ပြီး ပျက်စီးသွားပြီဟု သိရသည်။
