ဆီဆိုင်မြို့နယ်က အမျိုးသမီးတစ်ဦး မြေမြုပ်မိုင်း ထပ်နင်းမိပြန်၊ ယခုလအတွင်း မြေမြုပ်မိုင်းနင်းမိသူ (၂)ဦးရှိ

ယခုနှစ်ဇွန်လ ၁၃ ရက် ညနေ ၅ နာရီခန့်အချိန်က သျှမ်းပြည်နယ်တောင်ပိုင်း၊ ဆီဆိုင်မြို့နယ်၊ နောင်ကျောကျေးရွာအုပ်စု၊ နောင်ရင်းရွာမှ အမျိုူးသမီးတစ်ဦး မြေမြုပ်မိုင်းနင်းမိကြောင်း သိရသည်။

မြေမြုပ်မိုင်းနင်းမိသော အမျိုးသမီးသည် နောင်ရင်းရွာနေ နန်းထားထားရီ ဖြစ်ပြီး နိုင်ငံခြားတွင် ရောက်ရှိနေတဲ့ အစ်မဖြစ်သူနှင့် ဖုန်းဆက်သွယ်ပြောဆိုရန် ရွာအရှေ့ဘက်ခြမ်း ဖုန်းလိုင်းမိတဲ့နေရာသို့ သွားရောက်ပြီး အပြန်မှာ မြေမြုပ်မိုင်း နင်းမိကြောင်း၊ ယခုလအတွင်း မြေမြုပ်မိုင်းနင်းမိသူ (၂)ဦးရှိကြောင်း ဒေသခံ သတင်းရင်းမြစ်ထံမှ သိရသည်။

မြေမြုပ်မိုင်း နင်းမိခြင်းကြောင့် ခြေတစ်ဖက်ပြတ်ကာ ဘယ်ဘက်မျက်လုံး အစထိမှန်ဒဏ်ရာများ ရရှိသဖြင့် အောင်ပန်းမြို့ရှိ ကုတင် ၇၀၀ ဆေးရုံကြီးမှာ ဆေးကုသခံယူနေရကြောင်း သိရသည်။

ပြီးခဲ့တဲ့ ဇွန်လ ၆ ရက် နေ့က ဆီဆိုင်မြို့၊ မြကန်သာရပ်ကွက်က အသက် ၇၁ နှစ်အရွယ် အမျိုးသမီး တစ်ဦး မိုင်းနင်းမိပြီး သေဆုံးခဲ့ကာ အလားတူ ယခင်ကလည်း ရေချိုးသွားရမှ တံတားအောက်ဘက်မှာတွင် မြေမြုပ်မိုင်း နင်းမိပြီး နောင်ရင်းရွာသားတစ်ဦး ခြေထောက်ပြတ်ဒဏ်ရာရရှိခဲ့ကြောင်း သိရပါသည်။