ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း သီပေါ−လားရှိုးလမ်း စဥ့်အင်ချောင်း ဖောင်ဆိပ်ကူးရာနေရာသည် VIP ခေါင်းစဥ်ဖြင့် တစ်စီးကျပ်(၅)သိန်းပေးသော ကားများသာ ဦးစားပေး၍ ကမ်းကူးပေးနေကြောင်း စစ်ရှောင်တစ်ဦးထံမှ သိရသည်။
“ကမ်းကူးဖို့ စောင့်နေရတာ အရမ်းကြာပြီ၊ ကိုယ်တက်မယ့်အလှည့်ရောက်မှ ဘုန်းကြီးက VIP ဆိုပြီး တရုတ်မိသားစုကားကို ပေးကူးလိုက်တာ၊ ပုံမှန်ကမ်းကူးခက (၂)သောင်းပေးရတယ်” လို့ ကိုယ်တိုင်ကြုံတွေ့ခဲ့တဲ့ စစ်ရှောင်တစ်ဦးထံမှ သိရသည်။
စစ်ရှောင်ပြည်သူများအနေဖြင့် စဥ့်အင်ဖောင်ဆိပ်လမ်းသာ သွားလို့ရပြီး လားရှိုး−စဥ့်အင်−ပန်ညု−နမ့်လန်− ကျောက်ဂူ−ဘန့်ဘွေး−ပြင်ဦးလွင်−မန္တလေးလမ်းအတိုင်း သွားလာနေကြကြောင်း လားရှိုးမြို့ခံ တစ်ဦးက Hsan Loi Voice သတင်းဌာနကို ပြောပါသည်။
လားရှိုးမြို့မှာ စစ်ကောင်စီနှင့် မြောက်ပိုင်းမဟာမိတ်တပ်ဖွဲ့တို့ တိုက်ပွဲ ပိုမိုပြင်းထန်လာပြီး လူနေအိမ်ရပ်ကွက် တွေထဲ လက်နက်ကြီးနှင့် ရှော့တိုက်ဒုံးတွေကျရောက်မှု ပိုများလာကာ လားရှိုးမြို့ခံများ ဘေးလွှတ်ရာသို့ စစ်ရှောင်နေကြပြီး ယနေ့ဇူလိုင်လ(၅)ရက်နေ့မှာ စစ်ရှောင်ကား အများအပြား လားရှိုးမြို့မှ ထွက်ခွာသွားကြောင်း သိရသည်။
