စစ်ကောင်စီ၏ လေယာဥ်နှင့်ဗုံးကြဲမှုကြောင့် ကွတ်ခိုင်မြို့မှ ပြည်သူ(၆)ဦး‌ သေဆုံးပြီး (၁၀)ဦးဒဏ်ရာရရှိကာ ဈေးဆိုင်ခန်းပေါင်း(၄၀၀)ကျော် မီးလောင်ပျက်စီး

သျှမ်းပြည်မြောက်ပိုင်း၊ ကွတ်ခိုင်မြို့တွင် တိုက်ပွဲဖြစ်ပွားခြင်းမရှိဘဲ ဩဂုတ်လ(၅)ရက်နေ့ ညနေ(၃:၀၀)နာရီခန့်အချိန်က စစ်ကောင်စီ၏ လေယာဥ်နှင့် ဗုံးကြဲမှုကြောင့် ရပ်ကွက်(၅)နှင့် ရပ်ကွက်(၈)ရှိ ဒေသခံပြည်သူ(၆)ဦး သေဆုံးပြီး (၁၀)ဦးထိခိုက်ဒဏ်ရာရရှိကာ ဆိုင်ခန်းပေါင်း(၄၀၀)ကျော် မီးလောင်ပျက်စီးသွားခဲ့‌ကြောင်း သိရသည်။

ထို့အပြင် ကွတ်ခိုင်မြို့မစျေးရှိ ဆိုင်ခန်းပေါင်း (၄၀၁)ခန်းလည်း ဗုံးပေါက်ကွဲမှုကြောင့် မီးလောင်မှုဖြစ်ပွားကာ အရပ်သား နေအိမ်(၁၀)လုံးထက်မနည်းထိခိုက်ပျက်စီးသွားခဲ့ကြောင်း PSLF/TNLA က ထုတ်ပြန်ထားပါသည်။

၁၀၂၇ စစ်ဆင်ရေး အပိုင်း-၁ မှာ ကွတ်ခိုင်မြို့ကို ပလောင်တပ် TNLA က တိုက်ခိုက်သိမ်းပိုက်ထားပြီး မြို့ကို ထိန်းချုပ်ထားကြောင်းသိရှိရပါသည်။