ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
၂၀၂၄ ခုနှစ်မေလ (၃)ရက်နေ့က SSPP info ဖေ့ဘုတ်စာမျက်နှာမှတဆင့် နိုင်ငံရေးနည်းလမ်းဖြင့် အဖြေရှာမရတော့သည့်အတွက် စစ်ရေးနည်းလမ်းဖြင့် ဖြေရှင်းရတော့မည်ဖြစ်ကြောင်း SSPP/SSA ဒုဥက္ကဌ က ပြောဆိုခဲ့သည်။
သို့သော်လည်း အဆိုပါပြောဆိုချက်နှင့်ပတ်သက်၍ ယမန်နေ့ ဧပြီလ(၅)ရက်နေ့က SSPP/SSA ၏ ပြောရေးဆိုခွင့်ရှိသူ ဗိုလ်မှူးကြီးစိုင်းဆုက SSPP/SSA အနေဖြင့် လက်ရှိနိုင်ငံရေးအနေအထားအရ စစ်ကောင်စီကို တော်လှန်တိုက်ပွဲဝင်သွားမည့် အဆင့်မျိုးဆုံးဖြတ်ထားခြင်း မရှိသေးကြောင်း ပြန်လည်ဖြေရှင်းခဲ့သည်။
ဗိုလ်မှူးကြီးစိုင်းဆုက “တော်လှန်မှာတို့၊ တိုက်ပွဲဝင်မှာတို့က ကျနော်တို့ နိုင်ငံရေးခေါင်းဆောင်တွေက ဆုံးဖြတ်ထားတာမရှိဘူး။ ပြောဆိုခဲ့တဲ့မိန့်ခွန်းမှာက သျှမ်းပြည်တပ်မတော်ရဲ့ သမိုင်းကြောင်းနဲ့ နှစ် ၆၀ ပြည့်ကို ရှင်းလင်းဆွေးနွေးသွားတာ။ စစ်ရေးစစ်ရာတွေပြင်ပြီးတော့ တိုက်မယ်ခိုက်မယ်ဆိုတဲ့ အဆင့်မျိုး မရှိသေးဘူး။” ဟု ဒေသသတင်းမီဒီယာတစ်ခုအား ပြန်လည်ဖြေကြားထားသည်။
သျှမ်းပြည်နယ်မြောက်ပိုင်း၌ စစ်ဆင်ရေး ၁၀၂၇ နှောင်ပိုင်းကာလအတွင်း တိုင်းရင်းသားလက်နက်ကိုင်အချင်းချင်းအကြား နယ်မြေပြဿနာများ ပေါ်ပေါက်လျက်ရှိပြီး ကွတ်ခိုင်၊ မူဆယ်၊ သိန္နီမြို့နယ်အတွင်း ထိတွေ့မှုများပါ ဖြစ်ပေါ်ခဲ့သည်။ အဆိုပါဒေသများအတွင်း MNDAA၊ TNLA၊ KIA နှင့် SSPP စသည့် အဖွဲ့အစည်းများ ရောက်ရှိသော ဒေသဖြစ်သည်။
