ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ဇွန်လ(၁၃)ရက်နေ့က ကချင်ပြည်နယ်၊ ၀ိုင်းမော်မြို့နယ် ချီဖွေသွားလမ်းပေါ်ရှိ ဆနီးခူကျေးရွာမှ စစ်ကောင်စီတပ်စခန်း (၂)ခု သိမ်းပိုက်နိုင်ပြီး တင့်ကားတစ်စီး ဖျက်ဆီးနိုင်ခဲ့ကြောင်း သိရသည်။
KIA ပူးပေါင်းတပ်ဖွဲ့တို့ သိမ်းပိုက်နိုင်သည့် တပ်စခန်း(၂)ခု သည် ၀ိုင်းမော်−ချီဖွေလမ်းအတွက် အလွန်အရေးပါသော တပ်စခန်းဖြစ်ကြောင်းသိရသည်။ ဒါ့အပြင် ဗန်းမော် ကနေ မံစီဘက်ကို တင့်ကား (၃)စီးနဲ့ စစ်ကြောင်းထိုးလာတဲ့ စစ်ကောင်စီတပ်ဖွဲ့ကို KIA ပူးပေါင်းတပ်ဖွဲ့က ကောင့်ဂျာယန် ကျေးရွာမှာ ကြားဖြတ်တိုက်ခဲ့ပြီး တင့်ကား(၃)စီးအနက် တစ်စီးကို ပစ်ခတ်ဖျက်ဆီးလိုက်နိုင်တယ်လို့ KIO သတင်းနှင့် ပြန်ကြားရေးတာ၀န်ခံ ဗိုလ်မှူးကြီး နော်ဘူ က ပြောကြားထားကြောင်း ဒေသတွင်း မီဒီယာမှသိရသည်။
ပြီးခဲ့သည့် မေလကလည်း ဗန်းမော် (၅)မိုင် ဂျေအင်းရွာအနီးမှာ KIA နဲ့ KPDF ပူးပေါင်းတပ်ဖွဲ့တို့ က စစ်ကောင်စီရဲ့ စစ်ကြောင်းကို ဖြတ်တိုက်ခဲ့ရာ စစ်ကောင်စီ တင့်ကား(၁)စီးနှင့် စစ်ကား(၂)စီး ပစ်ခတ် ဖျက်ဆီးနိုင်ခဲ့ကြောင်း သိရှိရပါသည်။
