ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
မြန်မာနိုင်ငံတွင် ၂၀၂၁ ခုနှစ် ဖေဖော်ဝါရီလမှ စတင်ပြီး စစ်ကောင်စီမှ အာဏာသိမ်းပြီးနောက်ပြီး မတ်လ (၂၇) ရက်နေ့အထိ ကုလသမဂ္ဂ OCHA ၏ ဖော်ပြချက်အရ နေရပ်စွန့်ခွာထွက်ပြေးရသော ပြည်တွင်းတိမ်းရှောင်သူများ (၁.၈) သိန်းနီးပါး ရှိပြီဖြစ်ကြောင်း သိရသည်။
လူသားချင်းစာနာမှုဆိုင်ရာ ညှိနှိုင်းရေးရုံး (OCHA) ၏ ဖော်ပြမှုတွင် မြန်မာနိုင်ငံရှိ ပြည်နယ်နှင့်တိုင်းဒေသကြီးများ၌ လက်နက်ကြီးပစ်ခတ်မှုနှင့်အတူ လေကြောင်းတိုက်ခိုက်မှုအပါအဝင် ပဋိပက္ခပေါင်းများစွာ ဆက်လက်ဖြစ်ပွားလျက်ရှိကြောင်း ပါရှိသည်။
ကချင်ပြည်နယ် ဖားကန့်မြို့နယ်အတွင်း လေကြောင်းတိုက်ခိုက်မှုများ၊ မိုးညှင်းမြို့နယ်အတွင်း ပေါက်ကွဲမှုများ၊ ဖားကန့်၊ ရွေကူနှင့်ဆွမ်ပရာဘွမ်မြို့နယ်အတွင်း တပ်မတော်စစ်ကြောင်းထိုးများနှင့် အရပ်သားဖမ်းဆီးစစ်ဆေးမှုများရှိကြောင်း ဖော်ပြထားသည်။ ဒါ့အပြင် ရွှေကူမြို့နယ်အတွင်း ကျေးရွာအများအပြားက အရပ်သား(၁၃၀၀)ကျော်သည် မတ်လအစောပိုင်းကတည်းက အိုးအိမ်စွန့်ခွာတိမ်းရှောင်နေကြရပြီး ယာယီစခန်း(၁၀)ခုနှင့် အနီးအနားက တောတောင်များတွင် နေထိုင်လျက်ရှိကြောင်း သိရသည်။
၎င်းတို့သည် စားနပ်ရိက္ခာ၊ အမိုးအကာနှင့် မရှိမဖြစ်လိုအပ်သော အခြားလူ့အသုံးအဆောင်ပစ္စည်းများ လိုအပ်လျက်ရှိပြီး လူသားချင်းစာနာမှုဆိုင်ရာ မိတ်ဖက်အဖွဲ့အစည်းများက ဖြည့်ဆည်းပေးနိုင်ရန် ဆောင်ရွက်နေကြောင်း သတင်းရရှိသည်။
photo credit & original uploader
