ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း မူဆယ်မြို့၌ စစ်ကောင်စီတပ်နှင့် TNLA အဖွဲ့တို့ (၁၆.၉.၂၀၂၃) ရက်နေ့မှ (၂၀.၉.၂၀၂၃) ရက်နေ့အထိ ဝိန်းနန်းကျေးရွာ၊ ဟိုပေါ့ကျေးရွာနှင့် ခိုးဝိန်းကျေးရွာတို့တွင် တိုက်ပွဲဖြစ်ပွားခဲ့သည်။
(၂၁.၉.၂၀၂၃) ရက်နေ့မှ (၂၆.၉.၂၀၂၃) ရက်နေ့အထိလည်း စစ်ကောင်စီတပ်မှ လွယ်တေးမိန်းတောင်အနီးတစ်ဝိုက် လက်နက်ကြီးများဖြင့် ပစ်ခတ်နေခဲ့ကြောင်း သိရသည်။
“ တိုက်ပွဲကတော့ စက်တင်ဘာလ (၁၆) (၁၇) လောက်ကတည်းက စဖြစ်တာပေါ့နော်။ တိုက်ပွဲတစ်ပတ်လောက်ဖြစ်ပြီး စစ်ကောင်စီအဖွဲ့က TNLA အဖွဲ့ရဲ့ တပ်စခန်းနေရာတွေကို သိမ်းပိုက်နိုင်ခဲ့တယ်လို့ပြောတယ်။ TNLA စခန်းတွေရှိနိုင်တဲ့နေရာတွေကို စစ်တပ်ဘက်က နေ့တိုင်းလက်နက်ကြီးတွေနဲ့ပစ်နေတော့ ဒေသခံတွေကကြောက်ပြီး ထွက်ပြေးတိမ်းရှောင်ထားရတာပေါ့။ အခုဆိုရင် TNLA တွေက တပ်ဆုတ်ပြီး သျှမ်းရွာတွေဖြစ်တဲ့ ကုန်းဆာရွာနှင့် စေဟဲရွာတွေမှာ အင်အားပြန်စုနေတယ်။ ရွာထဲမှာဝင်နေပြီး ပြည်သူတွေအိမ်မှာ ထမင်းဟင်းဝင်ချက်နေကြတော့ ပြည်သူတွေက စိုးရိမ်ထိတ်လန့်နေကြတယ်” ဟု မူဆယ်ဒေသခံ သျှမ်းလူငယ်တစ်ဦးက ပြောပြသည်။
(၂၈.၉.၂၀၂၃) ရက်နေ့မှ (၂.၁၀.၂၀၂၃) ရက်နေ့အထိ TNLA အဖွဲ့က ကုန်းဆာရွာနှင့် စေဟဲရွာတို့တွင် အင်အားပြန်လည်စုစည်းနေပြီး ကျေးရွာအတွင်း ကတုတ်ကျင်းများဝင်ရောက်တူးထားကြောင်း ဒေသခံများကပြောပြသည်။ ကျေးရွာသူကျေးရွာသားများကလည်း ကြောက်ရွံ့ပြီး ထွက်ပြေးတိမ်းရှောင်ထားရသည်ဟုဆိုသည်။
