ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
စစ်ကောင်စီခေါင်းဆောင် ဗိုလ်ချုပ်မှူးကြီးမင်းအောင်လှိုင်နှင့် KNU ဥက္ကဌဟောင်း စောမူတူးစေးဖိုးတို့သည် ယနေ့ (၃၀.၉.၂၀၂၃) ရက်နေ့ နံနက်ပိုင်းတွင် နေပြည်တော်၌ တွေ့ဆုံဆွေးနွေးခဲ့ကြောင်း သတင်းရရှိသည်။
ထို့သို တွေ့ဆုံမှုတွင် စစ်ကောင်စီဘက်မှ ဗိုလ်ချုပ်မှူးကြီးမင်းအောင်လှိုင်နှင့်အတူ ဒုတိယဗိုလ်ချုပ်ကြီး ရဲဝင်းဦး၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေး ကော်မတီဥက္ကဌ ဒုတိယဗိုလ်ချုပ်ကြီး ရာပြည့်တို့ ပါဝင်တက်ရောက်ခဲ့သည်။ KNU ဥက္ကဌဟောင်း စောမူတူးစေးဖိုးနှင့်အတူ KNU ဗဟိုကော်မတီဝင်ဟောင်းများဖြစ်ကြသည့် စောရော်ဂျာခင်၊ ကော့ကရိတ်ခရိုင်ဥက္ကဌ ပဒို စောရွှေမောင်းတို့ တက်ရောက်ခဲ့သည်။
တွေ့ဆုံမှု၏ အသေးစိတ်ဆွေးနွေးမှုကို မသိရသော်လည်း စစ်ကောင်စီ၏ ထုတ်ပြန်ချက်အရ ကရင်ခေါင်းဆောင်ဘက်မှ လာရောက်တွေ့ဆုံနူတ်ဆက်ခြင်းဖြစ်ကြောင်း ဖော်ပြထားသည်။
