စစ်ကောင်စီက ရွာငံမှာ တောင်ယာစိုက်ခင်းသွားရောက်လုပ်ကိုင်ခွင့် တားမြစ်ပိတ်ပင်ထား  

သျှမ်းပြည်နယ်တောင်ပိုင်း ၊ ဓနုဒေသ၊ ရွာငံမြို့နယ် နွားဘန်းကြီးကျေးရွာတွင် PDF များထံသွားရောက်ထောက် ပံ့မည်စိုး၍ စစ်ကောင်စီကဒေသခံတွေကို တောင်ယာစိုက် ခင်း သွားရောက်လုပ်ကိုင်ခွင့်ပိတ်ပင်ထားကြောင်း ဒေသခံများထံမှ သိရသည်။

“ အရင်နှစ်ကလည်း စစ်တွေဖြစ်သေနတ်သံတွေကြားနေ ရတော့ စိုက်ပျိုးရေး လဲသိပ်အလုပ်မဖြစ်ဘူး ၊ ဒီနှစ်ကျတော့လည်း စိုက်ပျိုးရာသီမှာ စိုက်ခင်းထဲမသွားရဘူးဆိုတော့ တောင်သူတွေဘဝ ဘာလုပ်စားရတော့မလဲ ကုန်စျေးနှုန်းကကြီးကြီးနဲ့” ဟု ရွာငံဒေသခံတစ်ဦးကပြော သည်။

စိုက်ခင်းပိုင်ရှင် တစ်ချို့ စစ်ကောင်စီနဲ့သွားရောက် ညှိ နှိုင်းခဲ့ပေမဲ့ စစ်ကောင်စီက လုံးဝလက်မခံဘူးလို့ သိရပါတယ်။

“ သူတို့က PDF တွေနဲ့ ဆက်သွယ်ထောက်ပံ့မှာကြောက် နေတာလေ ဒီမှာက PDF တွေပြန်အားကောင်းလာတယ် ၊ ရွာက လူတစ်ချို့ပြောတာတော့ စစ်တပ်က တောထဲသွားတဲ့ လမ်းတွေမှာ မိုင်းထောင်ထားလို့ မပေးသွားတာလို့ပြောနေကြတယ် ” ဟု ၄င်းကဆိုသည်။

စစ်ကောင်စီတပ်များသည် ကျေးရွာများထဲအထိတပ်စွဲ ထားသောကြောင့် ဒေသခံများအနေနှင့် အစဥ်အမြဲစိုးရိမ် ထိတ်လန့်နေရကြောင်း သိရသည်။