စစ်ကောင်စီက ထိုင်းနိုင်ငံပိုင်နက်ထဲသို့ လေယာဉ်ဖြင့် ကျူးကျော်ဝင်ရောက်ပြီး KNLA နယ်မြေထဲသို့ ဗုံးကြဲချမှုကြောင့် ထိုင်းစစ်တပ်က လေယာဉ်ပစ်အမြောက်များကို နယ်စပ်သို့ ပြောင်းရွှေ့အသင့်ပြင်ထားဟုဆို

မြန်မာ-ထိုင်းနယ်စပ် ထိုင်းနိုင်ငံ၊ ကန်ချနပူရီခရိုင် Baan Phu Nam Rorn အနီးတွင် ယနေ့ဧပြီလ ၂၁ ရက်နေ့ မွန်းလွှဲပိုင်းအချိန်တွင် စစ်ကောင်စီက ထိုင်းပိုင်နက်ထဲသို့ လေယာဉ်ဖြင့် ကျူးကျော်ပျံသန်းပြီး KNLA နယ်မြေထဲသို့ ဗုံးကြဲတိုက်ခိုက်ခဲ့ကြောင်း သိရပါသည်။

စစ်ကောင်စီ၏ ဗုံးကြဲလေယာဉ်ကို ထိုင်းနယ်စပ်နှင့် ထိုင်းနိုင်ငံပိုင် လေပိုင်နက်အတွင်းသို့ ဗုံးမကြဲချရန် အကြိမ် ကြိမ် သတိပေးထားပြီး စစ်ကောင်စီ လေယာဉ်က ၎င်းသတိပေးချက်များကို လျစ်လျူရှု့ပြီး ကရင်အမျိုးသားလွတ်မြောက်ရေးတပ်မတော် (KNLA)ထိန်းချုပ်နယ်မြေရှိ တပ်စခန်းများသို့ ဗုံး(၁၀)လုံး ကြဲချတိုက်ခိုက်သွားကြောင်း ထိုင်းအခြေစိုက် Khaosod Engilsh သတင်းက ရေးသားဖော်ပြထားပါသည်။

ယခုအခါ ထိုင်းစစ်တပ်က ၎င်း၏ လေပိုင်နက်ကာကွယ် ရေးအတွက် မြန်မာ-ထိုင်းနယ်စပ်သို့လေယာဉ်ပစ်အမြောက်များ ပြောင်းရွှေ့အသင့်ပြင်ထား‌ကြောင်းသိရပါသည်။

စစ်ကောင်စီတပ်က မြန်မာပြည်သူများကို နေ့စဉ်နှင့်အမျှ လေယာဉ်ဖြင့် ဗုံးကြဲသတ်ဖြတ်နေသည့် လုပ်ရပ်များကို ထိုင်းဝန်ကြီးချုပ်ဟောင်း သက်ဆင်နဲ့ အာဆီယံဥက္ကဋ္ဌ တို့ နှုတ်ဆိတ်နေမှုအပေါ် ထိုင်းလွှတ်တော်အမတ် Kannavee Suebsang က ၎င်းရဲ့ လူမှုကွန်ရက် စာမျက်နှာ ကနေတစ်ဆင့် မေးခွန်းထုတ် ထားကြောင်း သိရပါသည်။