ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်းရှိ Operation 1027 စစ်ဆင်ရေးကာလအတွင်း TNLA နှင့် မြောက်ပိုင်းမဟာမိတ်အဖွဲ့က သိမ်းပိုက်ရရှိထားသော နမ္မတူ၊ နမ့်ဆန်၊ မန်တုံ၊ ကွတ်ခိုင်၊ နမ့်ခမ်း၊ မိုင်းငေါ့ နှင့် မိုင်းလုံမြို့များတွင် ညမထွက်ရအမိန့်အား ပြန်လည်ရုတ်သိမ်းကြောင်း TNLA က ယနေ့တွင် ထုတ်ပြန်သည်။
“ညမထွက်ရအမိန့်ကတော့ စစ်ကောင်စီက ကြေညာထားတာပေါ့။ ဒါပေမယ့် စစ်ကောင်စီက မြို့ထဲမှာမရှိတော့ဘူးဆိုတော့ ထွက်လည်းဘာမှတော့မဖြစ်ဘူးလေ။ မြို့ထဲမှာတော့ TNLA တပ်သားတွေက ကားနဲ့ပတ်နေတာတွေရှိသလို မြို့အဝင်အထွက်တွေမှာလည်း သူတို့က ဂိတ်တွေထားပြီး စစ်ဆေးတာတော့ ရှိတာပေါ့။” ဟု နမ့်ခမ်းမြို့တွင် နေထိုင်သော ဒေသခံတစ်ဦးက ပြောပြသည်။
တစ်ဖက်တွင်လည်း မတ်လ(၄)ရက်နေ့တွင် စစ်ကောင်စီဘက်က မန်တုံမြို့နယ်၊ နမ့်ဆန်မြို့နယ်နှင့် နမ္မတူမြို့နယ်တို့အား စစ်အုပ်ချုပ်ရေးအာဏာကျင့်သုံးကြောင်း ကြေညာခဲ့သည်။
