ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
၂၀၂၃ ခုနှစ် မတ်လ (၁) ရက်နေ့က စစ်ကိုင်းတိုင်းဒေသကြီး စစ်ကိုင်းမြို့ တာဒိုင်ကျေးရွာနှင့် ပန်းချီကျေးရွာရှိ အရပ်သား ၁၇ ဦးကို စစ်ကောင်စီမှ ဖမ်းဆီးခေါ်ဆောင်သွားခဲ့ကြောင်း သိရသည်။
ထိုအထဲတွင် ဒေသ PDF ခေါင်းဆောင်တစ်ဦးဖြစ်သူ မိုက်ကယ်(ခ) ကိုကျော်ဇော ပါဝင်ခဲ့ပြီး မတ်လ (၁) ရက်နေ့ကတည်းက အူအပိုင်းပိုင်းပြတ်ထွက်သည်အထိ နှိပ်စက်ပြီး သတ်ဖြတ်ခဲ့ကြောင်း ဓာတ်ပုံများအရတွေ့ရှိရသည်။
ဒါ့အပြင် စစ်ကောင်စီတပ်၏ ဖမ်းဆီးခေါ်ဆောင်ခြင်းခံရသူများထဲတွင် အမျိုးသား ၅ ဦးကို ခေါင်းဖြတ်သတ်ခဲ့ပြီး အမျိုးသမီး ၃ ဦးကို မုဒိမ်းကျင့် သတ်ဖြတ်ခဲ့ကြောင်းသိရသည်။ ၎င်းတို့၏ အပိုင်းပိုင်းပြတ်နေသည့် ခန္ဓာကိုယ် အစိတ်အပိုင်း များ၊ ဦးခေါင်းများကို မတ်လ ၂ ရက်နေ့ ညနေပိုင်းတွင် မြင်းမူမြို့နယ်၊ ညောင်ရင်းကျေးရွာသို့ မရောက်ခင် သရက်ခြံထဲ၌ တွေ့ရှိခဲ့သည်ဟု ဆိုသည်။
ဒါ့အပြင် ရုပ်အလောင်း စစ်ဆေးချက်များအရ အမျိုးသမီး မိန်းမကိုယ်အင်္ဂါထဲ၌ ကြက်သွန်နီများ ထိုးထည့်ပြီး ညဉ်းပန်းနှိပ်စက်ခဲ့သည်ဟု ACID Army People Defence Force (AAPDF) က ဖော်ပြထားသည်။
စစ်ကောင်စီဖမ်းဆီးခေါ်ဆောင်သွားသည့် အရပ်သား ၁၇ ဦးထဲတွင် ၉ ဦးသေဆုံးခဲ့ပြီး ကျန်သည့် ၈ ဦးလည်း သတင်းအစအန မရသေးပဲ ပျောက်ဆုံးနေတာကြောင့် သေဆုံးသူတွေ ထပ်ရှိနိုင် သေးကြောင်း သိရသည်။
photo credit & original uploader
