နှစ်ဖက်တွေ့ဆုံဆွေးနွေးနိုင်ရန် SSPP/SSA အား ထိုးစစ်ဆင် တိုက်ခိုက်မှုကို (၁၀) ရက်အတွင်း လုံးဝ အပစ်ရပ်စဲရန် RCSS/SSA ထုတ်ပြန် | ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ကချင်ပြည်နယ်၊ စစ်ကိုင်းတိုင်း၊ မန္တလေးတိုင်းနဲ့ နေပြည် တော်ကောင်စီနယ်မြေတို့မှာ စစ်ဆေးခဲ့တဲ့ ၂၀၂၅ ခုနှစ် တက္ကသိုလ်ဝင်စာမေးပွဲအဖြေလွှာများကို စစ်ကိုင်းငလျင်ကြောင့် အဖြေလွှာ မီးလောင်ပျက်စီးသွား ခဲ့ပြီး လာမယ့် ဇွန်လ ၁၆ ရက်မှာ တက္ကသိုလ်ဝင်စာမေးပွဲ ပြန်လည်ကျင်းပ စစ်ဆေးသွားမယ်လို့ စစ်ကောင်စီရဲ့ စာစစ်ဦးစီးဌာနက ထုတ်ပြန်ထားပါတယ်။
ယခင် ၂၀၂၅ ခုနှစ် မတ်လအတွင်းက စစ်ဆေးခဲ့တဲ့ တက္ကသိုလ်ဝင်စာမေးပွဲတွင် ဘာသာရပ်အားလုံး ဖြေဆိုခဲ့သူတွေကိုသာ ပြန်လည်ဖြေဆိုခွင့်ပြုမှာဖြစ်ပြီး ဖြေဆိုခွင့် ရရှိသူစာရင်းကို သက်ဆိုင်ရာ တိုင်းဒေသကြီး/ပြည် နယ်၊ ခရိုင်၊ မြို့နယ်ပညာရေးမှူးရုံးတွေနဲ့ စာစစ်ဌာနတွေမှာ ကြေညာပေးသွားမှာ ဖြစ်ပြီး ဖြေဆိုခွင့် ကဒ်ပြားများကိုလည်း ဇွန်လ ၁ ရက်နေ့မှ ၁၅ ရက်နေ့အတွင်း တိုက် ရိုက် ထုတ်ယူရမယ်လို့လည်း ထုတ်ပြန်ချက်မှာ ပါရှိပါတယ်။
ပြီးခဲ့တဲ့ မတ်လ ၂၈ ရက် မွန်းလွဲပိုင်းက လှုပ်ခတ်ခဲ့တဲ့ ငလျင်ကြောင့် မန္တလေးမြို့ရှိ မန္တလေးတက္ကသိုလ် ပင်မဆောင်ပြိုကျပြီး နောက်ဆက်တွဲအဖြစ် မီးလောင်မှုကြောင့် တက္ကသိုလ်ပင်မဆောင်သို့ ရောက်ရှိနေတဲ့ မန္တလေး၊ စစ်ကိုင်း၊ ကချင်ပြည်နယ်မှ တက္ကသိုလ်ဝင် စာမေးပွဲအဖြေလွှာ အုပ်ရေပေါင်း ၃ သိန်းကျော် မီးလောင်ပျက်စီးဆုံးရှုံး ခဲ့တယ်လို့ စစ်ကောင်စီက မတ်လ ၃၀ ရက်က ထုတ်ပြန်ထားပြီးဖြစ်ပါတယ်။
အဖြေလွှာတွေ မီးလောင်ပျက်စီးသွားခဲ့တဲ့ တိုင်းနဲ့ပြည်နယ် အတွက် တက္ကသိုလ်ဝင် စာမေးပွဲကို လာမယ့် ဇွန်လ ၁၆ ရက်မှ ၂၁ ရက်ထိ ပိတ်ရက်မရှိ ပြန်လည်စစ်ဆေးသွားမှာ ဖြစ်တယ်လို့ သိရပါတယ်။
