ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ငလျင်ဒဏ်ကြောင့် တောင်ကြီးကွန်ပျူတာတက္က သိုလ်ရဲ့ ပင်မသုံးထပ်စာသင်ဆောင် အပါအဝင် စာသင်ခန်းတွေ ထိခိုက်ခဲ့တဲ့အတွက် ပင်မဆောင်ဖြိုချပြီး အသစ်ပြန်လည်တည်ဆောက်မယ်လို့ သိရပါတယ် ။
ဧပြီလ ၁၀ ရက်နေ့က ပညာရှင်တွေရဲ့ စစ်ဆေး တွေ့ရှိချက် အရတက္ကသိုလ်ရဲ့ ပင်မသုံးထပ်စာသင်ဆောင်ကြီးဟာ ငလျင်ဒဏ်ကြောင့်အန္တရာယ်ရှိအဆောက်အဦးဖြစ်နေတဲ့အတွက် စနစ်တကျဖြို ဖျက်ရမှာဖြစ်တယ်လို့ ဆိုပါတယ် ။
“ စာမေးပွဲ တွေကမပြီးသေးဘူးရှင့်တချို့၂ဘာသာတချို့၃ဘာသာကျန်သေးတယ် နည်းပညာနဲ့ကွန်ပြူတာ ကနောက်မှဖြေရတာပါ မပြီးဘဲနဲ့ပိတ်လိုက်ရတာပါ ၊ ဘယ်မှာဆက်တက်ရမလဲမသိတော့ဘူး” လို့ တောင်ကြီးကွန်ပျူတာတက္ကသိုလ်က ကျောင်းသားတစ်ဦးကပြောပါတယ် ။
မတ်လ ၂၈ ရက်နေ့က ဖြစ်ပွားခဲ့တဲ့ ငလျင်ဒဏ်ကြောင့် တက္ကသိုလ်ရဲ့ ပင်မသုံးထပ်စာသင်ဆောင်နဲ့ တောင်၊ မြောက်စာသင်ဆောင်တွေမှာ ထိခိုက်ပျက်စီးမှု တွေဖြစ်ပေါ်ခဲ့ပြီး ကျောင်းသား/ သူ အဆောင်နဲ့ ဝန်ထမ်းအိမ်ရာတွေမှာလည်းထိခိုက်ပျက်စီးမှုရှိခဲ့တယ်လို့ သိရပါတယ်။
တောင်ကြီးကွန်ပျူတာတက္ကသိုလ် ဟာ တောင်ကြီးမြို့ နဲ့ ၆ မိုင်ခန့်အကွာ တောင်ကြီး-ဟိုပုံး ပြည် ထောင်စုလမ်းမကြီးရဲ့ အနောက်ဘက်မှာ တည်ရှိပြီး တက္ကသိုလ်ရဲ့ အကျယ်အဝန်းမှာ ၂၁၅ ဧက ရှိပါတယ် ။ ၂၀၀၀ ခုနှစ် ဩဂုတ်လ ၁၅ ရက်နေ့က အစိုးရကွန်ပျူတာကောလိပ်အဖြစ် စတင်ဖွင့်လှစ်ခဲ့ပြီး ၂၀၀၇ ခုနှစ်၊ ဇန်နဝါရီလ ၂၀ ရက်နေ့မှာ ကွန်ပျူတာတက္ကသိုလ် (တောင်ကြီး) အဖြစ် တက္ကသိုလ်အဆင့်သို့ တိုးမြှင့်ဖွင့်လှစ်ခဲ့ပါတယ် ။
