ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ချင်းပြည်နယ် တွန်းဇံမြို့ကို ချင်းအမျိုးသားတပ်မတော် CNA နှင့်ပူးပေါင်းအဖွဲ့က အလုံးစုံ သိမ်းပိုက်နိုင်ခဲ့ပြီဖြစ်ကြောင်း CNF/CNA အဖွဲ့၏ ပြောရေးဆိုခွင့်ရှိသူ ဆလိုင်းထက်နီက ဒေသသတင်းအရင်းအမြစ်အား ထုတ်ဖော်ပြောဆိုသည်။
တွန်းဇံမြို့ရှိ စစ်ကောင်စီတပ်စခန်းနှင့် ရဲစခန်းများအား ယမန်နေ့ မေလ(၂၃)ရက်နေ့တွင် တော်လှန်ရေးအင်အားစုများက ထိုးစစ်ဆင်တိုက်ခိုက်ခဲ့ပြီး စစ်ကောင်စီတပ်ဖွဲ့ဝင် (၄၀)ဦးကိုလည်း အရှင်ဖမ်းဆီးနိုင်ခဲ့သည်ဟု သိရသည်။
တွန်းဇံမြို့ရှိ ခလရ(၂၆၉)အား လက်လွတ်ဆုံးရှုံးခဲ့ပြီးနောက် စစ်ကောင်စီဘက် တိုက်လေယာဉ်ဖြင့် လေကြောင်းတိုက်ခိုက်မှုပြုလုပ်ခဲ့သော်လည်း နောက်ဆုံး၌ မြို့အတွင်းကျန်ရှိသော စစ်ကောင်စီတပ်သားများ တီးတိန်မြို့ဘက်ကို ဆုတ်ခွာထွက်ပြေးခဲ့သည်ဟု ဆလိုင်းထက်နီက ပြောဆိုထားသည်။
တွန်းဇံမြို့သိမ်းတိုက်ပွဲအတွင်း စစ်ကောင်စီဘက်က (၂၀)ဦးကျော် သေဆုံးခဲ့သလို ချင်းတော်လှန်ရေးအင်အားစုဘက်ကလည်း ထိခိုက်ကျဆုံးမှုရှိကြောင်း သိရသည်။
အလားတူ ကန်ပက်လက်မြို့နယ် ကျင်ဒွေးမြို့ကိုလည်း တော်လှန်ရေးအင်အားစုများက သိမ်းပိုက်ထားနိုင်ပြီဖြစ်သည်ဟု ဆက်စပ်သိရသည်။
