ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
စစ်ကောင်စီနှင့် တအာင်း TNLA တပ်တို့ တိုက်ပွဲ ကြောင့် ဇွန်လ(၂၅)ရက်မှ ဇွန်လ(၂၉)ရက်အထိ မိုးကုတ်မြို့နယ်၊ ကျောက်မဲမြို့နယ်၊ နောင်ချိုမြို့နယ်နှင့် မိုးမိတ်မြို့နယ်တို့တွင် စစ်ကောင်စီ၏ လေကြောင်းတိုက်ခိုက်မှုကြောင့် အရပ်သားပြည်သူ (၂၂)ဦး သေဆုံးပြီး (၃၀)ဦး ဒဏ်ရာရရှိကာ ဒေသခံပြည်သူ (၃၀၀၀)နီးပါး စစ်ဘေးရှောင်နေရကြောင်း TNLA မှ ထုတ်ပြန်ထားပါသည်။
တိုက်ပွဲအတွင်း အရပ်သားနေအိမ်နှင့် အရပ်သား ပြည်သူများ တည်ရှိရာနေရာများသို့ စစ်ကောင်စီတပ်မှ လက်နက်ကြီးများဖြင့် ပစ်ခတ်ခြင်း၊ လေကြောင်းဖြင့် ဦးတည်ပစ်ခတ်မှုတို့ကြောင့် အရပ်သားသေဆုံးခြင်းနှင့် ထိခိုက်ဒဏ်ရာရရှိခဲ့ခြင်းဖြစ်ကြောင်း သိရသည်။
ဒါ့အပြင် နောင်ချိုမြို့ (ကံ့ကော်)ဘုန်းကြီးကျောင်းပေါ် သို့ စစ်ကောင်စီတပ်က ဒရုန်းဖြင့် ဗုံး ၆ လုံး လာရောက်ကြဲခဲ့မှုကြောင့် ဘုန်းတော်ကြီးကျောင်းဆောင်များထိခိုက် ပျက်ဆီးခဲ့သလို မိုးကုတ်မြို့ အရှေ့ပိုင်းရှိ ဘုရားငါးဆူကျောင်းလည်း ဗုံးကျဲထိခိုက်နေခြင်းဖြစ်ကြောင်း သိရှိရသည်။
