ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော  | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်

ကျောက်မဲမြို့နယ်အတွင်း SSPP နှင့် TNLA တို့ စစ်ရေးတင်းမာနေ

ကျောက်မဲမြို့နယ်အတွင်း SSPP နှင့် TNLA တို့ စစ်ရေးတင်းမာနေ

Hsan Loi Editor
01/11/2024
Share:

 

သျှမ်းပြည်နယ်မြောက်ပိုင်း ကျောက်မဲမြို့နယ်အတွင်း နေရာယူထားသော SSPP အဖွဲ့နှင့် TNLA အဖွဲ့တို့ စစ်ရေးတင်းမာလျက်ရှိပြီး တိုက်ပွဲဖြစ်ပွားလာမည်ကို ဒေသခံများ စိုးရိမ်လျက်ရှိသည်။

 

ကျောက်မဲမြို့နယ် နောင်ပိန်ကျေးရွာ ၊ မိုင်းတင်းကျေးရွာအတွင်း SSPP ဘက်က တပ်သားအင်အားအများအပြား ဖြည့်တင်းလျက်ရှိပြီး စစ်ရေးပြင်ဆင်နေသည်ဟု ဒေသခံများ၏ ပြောပြချက်အရ သိရသည်။

 

“ အရင်တစ်ပတ်လောက်က SSPP ဘက် မြို့နယ်မှူးအဆင့်ရှိသူနဲ့အဖွဲ့ဝင်တွေက နောင်ချိုဘက်ကို သျှမ်းရွာတွေဆီသွားတာကို TNLA ဘက်က ချောင်းမြောင်းပိတ်ဆို့ဖို့ လုပ်ခဲ့တယ်။ ပြီးတော့ နောင်ချိုမြို့နယ်ကို TNLA က တိုက်ခိုက်သိမ်းပိုက်ထားတာဖြစ်တဲ့အတွက် SSPP အဖွဲ့အနေနဲ့ ဝင်မလာဖို့ TNLA ဘက်ပြောတယ်လို့ကြားတယ်။ အဲ့ဒါနဲ့ SSPP ဘက်က ကျောက်မဲမြို့နယ်ထဲက နေရာတော်တော်များများမှာ စစ်အင်အားဖြည့်တင်းနေတာ တွေ့ရတယ်။” ဟု ကျောက်မဲမြို့နယ် ဇီးပင်စခန်းရွာခံတစ်ဦးက ပြောပြသည်။

 

ကျောက်မဲမြို့နယ်အတွင်း အချို့ကျေးရွာများတွင် SSPP က နေရာယူထားပြီး ကားလမ်းမကြီးတစ်လျောက်ကို TNLA က နေရာယူထားသည်။ ယခင်ကလည်း ကျောက်မဲမြို့နယ်အတွင်းရှိ SSPP နယ်မြေထဲကို TNLA အဖွဲ့က အတင်းဝင်ရောက်ခဲ့ခြင်းကြောင့် အပြန်အလှန်ပစ်ခတ်တိုက်ခိုက်မှုဖြစ်ပွားခဲ့ပြီး TNLA အရာရှိနှင့်အဖွဲ့ဝင်များ သေဆုံးခဲ့ရသည်။