သျှမ်းပြည်မြောက်ပိုင်း ကျောက်မဲမြို့နယ်မှာ စစ်ကော်မရှင်တပ်နဲ့ ရှမ်းပြည်တိုးတက်ရေးပါတီ/ရှမ်းပြည် တပ်မတော် (SSPP/SSA)တို့ ထိတွေ့တိုက်ပွဲ ပြင်းထန်နေတယ်လို့ SSPP Info က ယနေ့ မွန်းလွဲပိုင်းမှာ ထုတ်ပြန်ထားပါတယ်။
ယနေ့ နိုဝင်ဘာလ ၂၉ ရက် နေ့လည် ၁ နာရီကျော်အချိန်မှာ အင်အား ၁၀၀ ဝန်းကျင်ရှိတဲ့ စစ်ကော်မရှင်တပ်ဟာ SSPP/SSA တပ်စခန်းတည်ရှိရာ ကျောက်မဲမြို့နယ်၊ ပုံဝိုးကျေးရွာအုပ်စု၊ ပုံဝိုးကျေးရွာအနီး တောတွင်းတစ်နေရာတွင် ထိုးစစ်ဆင် ဝင်ရောက်လာသဖြင့် နှစ်ဖက်ထိတွေ့ တိုက်ပွဲဖြစ်ပွားတယ်လို့ ဖော်ပြထားပါတယ်။
တိုက်ပွဲအတွင်းမှာ စစ်ကော်မရှင်တပ်က မြေပြင်စစ်ကြောင်းအပြင် ဒရုံးများအသုံးပြုပြီး တိုက်ခိုက်နေတယ်လို့ သိရပြီး မွန်းလွဲပိုင်း ၃ နာရီအထိ တိုက်ပွဲပြင်းထန်နေတယ်လို့ သိရပါတယ်။
ယခုတိုက်ပွဲနဲ့ ပတ်သက်ပြီး အသေးစိတ်သိရဖို့ Hsan Loi Voice အနေနဲ့ ဆက်လက်မေးမြန်း စုံစမ်းနေဆဲဖြစ်ပါတယ်။