ကားဘရိတ်နှင့် လီဗာ မှားနင်းမိရာမှ လူနှစ်ဦးကို တိုက်မိခဲ့သည့် လားရှိုးမြို့ ယာဉ်တိုက်မှုဖြစ်စဉ်၌ အတိုက်ခံရသူ အမျိုးသမီးတစ်ဦးသေဆုံး

သျှမ်းပြည်နယ်မြောက်ပိုင်း လားရှိုးမြို့ ကမ္ဘောဇဘဏ်ခွဲရှေ့တွင် ယမန်နေ့ ဇန်နဝါရီလ (၁၃) ရက်နေ့က ယာဉ်မောင်းဖြစ်သူမှ ဘရိတ်နှင့်လီဗာ မှားနင်းမိပြီး အမျိုးသမီးနှစ်ဦးကို တိုက်မိခဲ့သည်။ ယခုအခါ အတိုက်ခံရသော အမျိုးသမီးနှစ်ဦးထဲက တစ်ဦးသည် ကားကြိတ်ခံရသော ဒဏ်ရာများကြောင့် သေဆုံးခဲ့ရပြီဖြစ်ကြောင်း သိရသည်။

အတိုက်ခံရသော အမျိုးသမီး (၂) ဦးကို ဆေးရုံကို ပို့ဆောင်ကုသခဲ့သော်လည်း အရှိန်ဖြင့် တိုက်ခံရသည့်အပြင် ကားကြိတ်ခြင်းခံခဲ့ရသောကြောင့် အသက်ဆုံးရှုံးခဲ့ရပြီဖြစ်သည်။

လားရှိုးမြို့တွင် လိုင်စင်မဲ့ယာဉ်များစည်းကမ်းမဲ့စွာ မောင်းနှင်ခြင်း လမ်းလုမောင်းခြင်းများကြောင့် မြို့နေလူထုများ မကြာခဏ ငြီးတွားလျက်ရှိကြောင်း သိရသည်။