ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ကရင်နီပြည် ဖားဆောင်းမြို့နယ် ၊ မော်ချီးဒေသမှာ ယမန်နေ့ ဩဂုတ်လ(၂၁)ရက်နေ့ မွန်းလွှဲပိုင်းအချိန်က မိုးသည်းထန်စွာ ရွာသွန်းပြီး မြေပြိုမှုဖြစ်ပွားကာ အသက်(၂၁)အရွယ် အမျိုးသားတစ်ဦး သေဆုံးကြောင်း သိရသည်။
မော်ချီးဒေသရှိ ညောင်ပင်ရပ်ကွက်နှင့် ကွက်သစ်ရပ်ကွက်မှာ မြေပြိုမှုဖြစ်ပွားခဲ့ပြီး လူသေဆုံးမှုရှိသည့်အပြင် နေအိမ်ပျက်စီးမှုများလည်း ရှိကြောင်း ဒေသတွင်း သတင်းရင်းမြစ်မှ သိရသည်။
ပြီးခဲ့သည့် ဇူလိုင်လအတွင်းက အလားတူ မြေပြိုမှုမျိုးဖြစ်ခဲ့ပြီး လူအသေအပျောက် မရှိကြောင်းလည်း သိရပါသည်။
မော်ချီးသည် လွိုင်ကော်မြို့၏ တောင်ဘက် ၉၃ မိုင် အကွာ ပင်လယ်ရေမျက်နှာပြင်ထက် ပေ ၄,ဝဝဝ ကျော်မြင့်သော အရပ်တွင် တည်ရှိပြီး ခဲမဖြူ၊ အဖြိုက်နက်နှင့် ခနောက်စိမ်း စသော အဖိုးတန် သတ္တုများထွက်ရှိရာ ဒေသဖြစ်ကြောင်း သိရှိရပါသည်။
