ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
စစ်ကောင်စီ အာဏာသိမ်းကာလအတွင်း ကရင်နီ (ကယား)ပြည်နယ်တွင် အရပ်သားပြည်သူသတ် ဖြတ်ခံရမှု (၃၁၈) ဦး၊ စစ်ရှောင်သေဆုံးသူ ( ၁၃၄ ) ဦး နှင့် တော်လှန် ရေးရဲဘော် ၂၅၉ ဦး စုစုပေါင်း (၇၁၁) ဦး ကျဆုံးခဲ့ကြောင်းတိုးတက်သောကရင်နီပြည်သူ့အင်အားစု PKPF ( Progressive Karenni People Force) က မတ်လ ၁ ရက်နေ့က ထုတ်ပြန်ထားသည် ။
ထို့အပြင်ကရင်နီပြည်ကိုစစ်ကောင်စီလေကြောင်း တိုက်ခိုက် မှုအကြိမ် (၃၆၃) ကြိမ်အထိ ရှိခဲ့ပြီး လူနေအိမ်နှင့် ဘာသာရေး အဆောက်အဦး စုစုပေါင်း (၁၅၃၁ )လုံး ပျက်စီးဆုံးရှုံးခဲ့ကြောင်း ထုတ်ပြန်ချက်တွင်ပါရှိသည် ။
အာဏာသိမ်း ကာလအတွင်း ကရင်နီ ပြည်သူ့ကာကွယ် ရေး တပ်များ၊ ပူးပေါင်း မဟာမိတ်တော် လှန်ရေးတပ် ဖွဲ့များ နှင့်စစ်ကောင်စီတပ်တို့အကြား ပြင်းထန် တိုက်ပွဲပေါင်း (၆၆၃)ကြိမ်အထိ ဖြစ်ပွားခဲ့ကာတော်လှန် ရေးရဲဘော် (၂၅၉) ဦးအထိ ကျဆုံးခဲ့ရပြီး လက်ရှိအချိန်အထိ မတရားဖမ်းဆီးထိန်းသိမ်း ခံထားရတဲ့ အရပ် သား ပြည်သူမှာလည်း (၂၇၉) ဦးရှိကြောင်း ထုတ်ပြန်ထားသည် ။
၄င်းတိုက်ပွဲကာလတွင် စစ်ကောင်စီတပ်သားဘက်မှ လည်း စုစုပေါင်း (၁၉၉၅ )ဦးအထိ သေဆုံးခဲ့ပြီး စစ်ယာဥ်တန်း (၆၁) စီး ပျက်စီးသွားကြောင်း ထုတ်ပြန်ချက် တွင် ဖော်ပြထားသည် ။
အထက်ပါ အချက်အလက်များသည် စစ်ကောင်စီ အာ ဏာစသိမ်းသည့် ၂၀၂၁ခုနှစ်၊ ဖေဖော်ဝါရီလ ( ၁ )ရက်နေ့မှ ၂၀၂၃ခုနှစ် ဧပြီလ( ၃၀ )ရက်နေ့အထိ ကရင်နီပြည်၏ စစ်ရေး၊ နိုင်ငံရေး၊ လူ့အခွင့်အရေးအချိုးဖောက်ခံရခြင်းနှင့် ပတ်သက်၍ PKPF ကထုတ်ပြန်ထားခြင်းဖြစ်သည် ။
အဆိုပါတိုက်ပွဲ များကြောင့်ကရင်နီ(ကယား)ပြည်က လူဦးရေ ထက်ဝက်ကျော်ခန့်သည် စစ်ဘေးဒုက္ခသည် စခန်းများတွင် တိမ်းရှောင်နေရပြီး လတ် တလောနွေရာ သီကာလဖြစ်သောကြောင့်ရေရှား ပါးမှုပြဿနာနှင့်အဓိကရင်ဆိုင်နေရသည့်အပြင် ဆေးရုံ ၊ ဆေးပေးခန်းများကို လည်း စစ်ကောင်စီကဗုံးကြဲတိုက်ခိုက်မှုပြုလုပ်ခဲ့သောကြောင့် အများအ ပြား ပျက်စီးခဲ့ရကြောင်း ထုတ်ပြန်ချက်များအရ သိရှိရသည် ။
