ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
၂၀၂၄ ခုနှစ် နိုဝင်ဘာလ (၂၆)ရက်နေ့တွင် စစ်ကောင်စီ၏ တပ်မ (၆၆) လက်အောက်ခံ ခလရ (၈၀) တပ်ရင်း သည် ကယား(ကရင်နီ)ပြည်နယ် လွိုင်ကော်မြို့နယ် လင်ဖုံလေးကျေးရွာအနီး စစ်ကြောင်းထိုးရာမှ တော်လှန်ရေးအင်အားစုများနှင့် ထိတွေ့တိုက်ပွဲဖြစ်ပွားခဲ့သည်။ အဆိုပါ တိုက်ပွဲတွင် စစ်ကောင်စီစစ်ကြောင်းတစ်ကြောင်းလုံးနီးပါး သေဆုံးခဲ့ပြီး အနည်းငယ်သာ ဖမ်းဆီးထားကြောင်း တော်လှန်ရေးအင်အားစုများ၏ သတင်းဖော်ပြမှုအရ သိရသည်။
“လွိုင်ကော်မြို့နယ် လင်ဖုံလေးမှာ မနက်အစောပိုင်းကနေ ညနေစောင်းအထိ ထိတွေ့တိုက်ပွဲဖြစ်ပြီးတော့ စကစ စစ်ကြောင်းတစ်ကြောင်းလုံးနီးပါး ကျကုန်တယ်။ အရှင်ဖမ်းမိတဲ့ စစ်သုံ့ပန်းအချို့နဲ့ တစ်ယောက်စ နှစ်ယောက်စ ထွက်ပြေးသွားတာလောက်ပဲရှိမယ်။ သူတို့တွေဆီကနေ လက်နက်ခဲယမ်းတွေအများကြီး သိမ်းဆည်းရမိထားတယ်။”ဟု ရှေ့တန်းရောက် KNDF တော်လှန်ရေးတပ်သားတစ်ဦး ပြောပြသည်။
လက်ရှိတွင် စစ်ကောင်စီဘက်က လေကြောင်းတိုက်ခိုက်မှု ဆက်တိုက်ပြန်လည်ပြုလုပ်နေသည်။ ဒါ့အပြင် ပင်လောင်းဖက်ကဆင့် ဖယ်ခုံ၊ မိုးဗြဲဘက်သို့ စစ်ကောင်စီတပ်သားများ ဖြည့်တင်းနေကြောင်း သတင်းရရှိသည်။
